O conselleiro de Cultura, Educación e Universidade, Román Rodríguez, destacou a posibilidade de “seguir gozando da música, da nosa identidade e da tradición popular galega dun xeito seguro”, malia o actual contexto de pandemia. Fíxoo no acto de presentación da xira do 40 aniversario do grupo Milladoiro, celebrado na sala Eisenman da Cidade da Cultura de Galicia, no que tamén participou o secretario xeral de Política lingüística, Valentín García.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
21 de outubro de 2020
20 de outubro de 2020
O Instituto Camões e o estado de Utah (EUA) asinaron un acordo para promover e dinamizar o ensino da lingua portuguesa neste territorio estadounidense. O acordo abre tamén a posibilidade de contratar profesorado visitante.
Fonte: Notícias ao Minuto
20 de outubro de 2020
A canle de televisión pública en lingua galesa S4C asinou un acordo polo que se compromete a ampliar as súas emisións para alén das fronteiras do Reino Unido.
Fonte: Business Live
20 de outubro de 2020
A iniciativa popular Xabarín, impulsada pola Mesa pola Normalización Lingüística para demandar un incremento e unha mellora da programación infantil e xuvenil en galego na TVG, conta coa colaboración de máis de 250 establecementos de toda Galicia que están a recoller sinaturas de apoio á devandita iniciativa.
20 de outubro de 2020
Segundo a enquisa realizada en 2019 sobre os usos lingüísticos na Universidade das Illas Baleares, o castelán é a lingua máis utilizada nas aulas, tanto para impartir materias de grao como na relación entre o profesorado e o alumnado, e no ámbito administrativo.
Fonte: Última Hora
20 de outubro de 2020
O banco de imaxes, que se creou co obxectivo de promover as interaccións orais en éuscaro nos ciclos de Infantil e Primaria dos modelos educativos A e D, está xa a disposición do profesorado para a súa utilización na aula. Os 210 debuxos son obra de Mikel Santos ‘Belatz’ e divídense en diferentes temáticas: emocións, rutinas diarias, deporte, música, alimentación, animais, oficios, medios de transporte etc.
20 de outubro de 2020
O Goberno de Aragón puxo en marcha 'Aragón 3L Nuestras Lenguas', un proxecto que ten como obxectivo achegar a cultura e a diversidade lingüística desta comunidade aos centros educativos e, en xeral, a toda a sociedade. A través dunha web, acompañada dunha guía didáctica, fomentarase o coñecemento e o uso das linguas que se falan en Aragón (aragonés, catalán e castelán) e ofrecerase información sobre outros idiomas do mundo.
19 de outubro de 2020
A Universidade de Lisboa amplía o prazo para estudar linguas eslavas de xeito gratuíto. O alumnado que decida matricularse achegarase por medio destes cursos aos idiomas falados en Rusia, Bulgaria, Polonia, Eslovenia, República Checa e Croacia.
Fonte: Público
19 de outubro de 2020
O proxecto The Rosetta Project pretende preservar os datos dunhas 1500 linguas do mundo por medio do seu almacenamento nun disco de níquel de menos de 8 centímetros de diámetro.
Fonte: Xataka
19 de outubro de 2020
O Viquimarató de la Llengua Catalana celebrarase entre o 6 e o 13 de novembro e, a causa da pandemia, desenvolverase en liña co cancelo #ViquiLlengua7x7. Ademais, a novidade desta sétima edición é que, por vez primeira, participarán os sete territorios de fala catalá.
Fonte: Generalitat de Catalunya
Boletín
Subscríbase ao boletín
