A Universidade de Estudos Estranxeiros de Pequín abriu o Centro Nacional de Formación de Docentes de Español e Portugués co fin de garantir e afianzar a calidade do ensino da lingua portuguesa na China continental.
Fonte: Observador
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
15 de xaneiro de 2021
Unha nova canle de televisión, Uvagut TV, emitirá en diferentes lugares do Canadá contidos exclusivamente en linguas inuit, incluída programación infantil.
Fonte: Richmond News
14 de xaneiro de 2021
Un total de 33 concellos, consellos comarcais e outras entidades de ámbito local aprobou nos seus respectivos plenos a moción impulsada pola Plataforma per la Llengua na que lles demanda aos parlamentos de Aragón, Comunidade Valenciana, illas Baleares e Cataluña que recoñezan a unidade da lingua catalá.
14 de xaneiro de 2021
O Dicionario da Real Academia Galega superou as 38.500.000 consultas en 2020, o que supón unha media de máis de 105.000 ao día. O punto de inflexión estivo marcado pola entrada en vigor do primeiro estado de alarma por mor da pandemia da covid-19, o que provocou que se alcanzase unha marca histórica de buscas en maio.
14 de xaneiro de 2021
A Universidade Pompeu Fabra (UPF) e a Federación de Persoas Xordas de Cataluña (FESOCA) convocan o IX Premio UPF-FESOCA de lingua de signos catalá, un galardón que busca incentivar o coñecemento e a difusión desta lingua.
Fonte: Generalitat de Catalunya
14 de xaneiro de 2021
O ministro de Xustiza sueco, Morgan Johansson, anunciou que Suecia esixirá coñecementos certificados de sueco para que persoas estranxeiras poidan optar á cidadanía.
Fonte: The Local
14 de xaneiro de 2021
A canle RTP Internacional comezou a emitir o programa Português - Língua Não Materna que ofrece contidos de lingua portuguesa a alumnado estranxeiro ou lusodescendentes da diáspora.
Fonte: TV Europa
13 de xaneiro de 2021
Un estudo evidencia que as persoas bilingües poden desenvolver mellor as súas habilidades cognitivas
Un estudo elaborado na Universidade de Chipre revela que a habilidade de falar dúas linguas pode axudar a realzar a capacidade que ten o noso cerebro para adquirir coñecemento. As análises realizadas sobre este tema poderían axudar a desenvolver técnicas para a aprendizaxe de novas linguas.
Fonte: Horizon Magazine
13 de xaneiro de 2021
Unicamente 2000 integrantes da nación cherokee de Oklahoma fala a lingua nativa que está en perigo extremo de desaparición. Ante esta situación, o goberno da tribo decidiu reservar algunhas vacinas contra a covid-19 para os falantes que aínda sobreviven coa intención de preservar o principal trazo cultural deste pobo orixinario dos EUA.
Fonte: NPR
13 de xaneiro de 2021
A Plataforma per la Llengua abriu o prazo para presentar propostas de candidaturas para unha nova edición dos Premios Martí Gasull i Roig, uns galardóns que recoñecen a traxectoria e as actividades de persoas e organizacións na defensa e a promoción da lingua catalá.
Boletín
Subscríbase ao boletín
