O ministro italiano de Cultura, Dario Franceschini, confirmou que o ano que vén comezarán as obras en Florencia do Museo da Lingua Italiana. O inicio deste proxecto coincidirá co aniversario dos 700 anos da morte de Dante.
Fonte: ANSA
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de outubro de 2020
Despois de que a súa última falante morrese hai agora 16 anos, a lingua escrita nüshu, antigamente falada só por mulleres nunha zona rural da provincia chinesa de Hunan, está experimentando un importante rexurdimento. Cada vez máis persoas deciden aprender esta lingua e existe un museo dedicado a preservar o seu legado.
Fonte: BBC
02 de outubro de 2020
O 30 de setembro de cada ano o mundo celebra o Día Internacional da Tradución co fin de concienciar sobre a importancia deste ámbito profesional no entendemento mundial. O tema deste ano é "Atopar as palabras para un mundo en crise".
Fonte: Times on News
02 de outubro de 2020
Joaquín Salvador Lavado, máis coñecido como Quino, faleceu aos 88 anos en Arxentina. O humorista gráfico máis traducido da lingua española pasará á historia como o creador da personaxe de Mafalda, unha nena sabia e respondona.
Fonte: El País Brasil
02 de outubro de 2020
O presidente do Goberno galego, Alberto Núñez Feijóo, reivindicou os valores e principios da Xeración Nós, que permanece fiel a un galeguismo de concordia e onde se atopan as orixes culturais “da Galicia que somos”.
Fonte: Xunta de Galicia
02 de outubro de 2020
O Concello de Bilbao presentou unha nova edición de Biribilko, un programa que ten como obxectivo impulsar a normalización e o uso do éuscaro nos establecementos comerciais da cidade.
Fonte: Deia
02 de outubro de 2020
O baixo nivel de éuscaro do alumnado inscrito no modelo D ao finalizar a educación obrigatoria levou ao Consello Escolar de Euskadi a solicitar unha reflexión profunda sobre o ensino nesta modalidade que, ademais, é a maioritaria.
Fonte: Deia
01 de outubro de 2020
O Goberno de Navarra, a través de Euskarabidea-Instituto Navarro do Éuscaro, vai destinar case 190 000 euros en axudas para que as persoas adultas aprendan a lingua vasca. Estas subvencións comprenden as modalidades de aprendizaxe extensiva, intensiva, en internado e autoaprendizaxe.
01 de outubro de 2020
A Asociación Galega de Profesionais da Tradución e a Interpretación (AGPTI) decidiu concederlle o III Premio Xela Arias á sala de cinema santiaguesa Numax pola súa posta en valor da lingua galega.
Fonte: Nós Diario
01 de outubro de 2020
A Mesa pola Normalización Lingüística comezou hai un par de semanas unha campaña para demandar unha canle Xabarín Club que emita en galego as 24 horas do día ao longo de todo o ano, con contidos de interese para a infancia e a mocidade. Neste período xa conseguiu 15 000 sinaturas de apoio, o que levou á entidade a converter a proposta nunha proposición non de lei de iniciativa popular.
Boletín
Subscríbase ao boletín
