A nova edición de Euskaraldia, a iniciativa que busca cambiar hábitos lingüísticos e aumentar o uso do éuscaro, arrancará oficialmente o 20 de novembro. Porén xa se presentou novo material didáctico para todas as etapas educativas dos centros escolares tanto públicos como privados-concertados.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de setembro de 2020
11 de setembro de 2020
Un estudo realizado na Universidade de Georgetown en Washington (EUA) revelou que as nenas e os nenos usan os dous hemisferios do cerebro para procesaren o contido lingüístico, a diferenza das persoas adultas que só empregan o hemisferio esquerdo.
Fonte: U.S.News
10 de setembro de 2020
Dous investigadores da USC publicaron un proxecto que consiste nun mapa que inclúe as constelacións estelares en tempo real e no que se emprega o galego tanto para os nomes dos conxuntos como para cuestións técnicas.
Fonte: Galicia Cofidencial
10 de setembro de 2020
O Concello de Valencia abriu unha liña de axudas, á que destinará unha partida de 50 000 euros, para subvencionar o uso do valenciano nos establecementos comerciais da cidade.
Fonte: El Periòdic
09 de setembro de 2020
As persoas desempregadas que residan en Donostia poderán optar a unha praza nos cursos gratuítos de éuscaro de 120 horas que oferta o concello donostiarra.
Fonte: Diario Vasco
09 de setembro de 2020
A Universidade do País Vasco (UPV) deu comezo ao novo curso escolar con máis de 34 000 estudantes matriculados. Os datos actuais mostran que o 54,9 % do alumnado deste ano realizará os seus estudos en éuscaro, unha porcentaxe que medra lixeiramente respecto á do ano anterior.
Fonte: Noticias de Guipuzkoa
09 de setembro de 2020
Un informe do Consello de Europa ditaminou que o Reino Unido non fixo abondo para promover algunhas linguas minorizadas como o córnico, o irlandés e o escocés do Úlster.
Fonte: The Guardian
09 de setembro de 2020
O fornecedor de servizos de telecomunicacións Altice Portugal aproveitou o Día Internacional da Alfabetización para presentar, co apoio da Fundación Altice, o Novo Atlas da Lingua Portuguesa, unha ferramenta de difusión da notoria influencia da lingua portuguesa no mundo.
Fonte: Bairrada Informaçāo
09 de setembro de 2020
En resposta a unha queixa presentada pola Mesa pola Normalización Lingüística, o Ministerio de Igualdade equipara as linguas oficiais diferentes do español con calquera lingua estranxeira nas bases dun premio convocado por ese departamento. Con esta resposta, a institución estatal segue a excluír o galego deses premios.
Fonte: Nós Diario
09 de setembro de 2020
O profesorado denunciou en medios como A Liña do Galego da Mesa pola Normalización Lingüística que o Sergas está a empregar só o castelán para as comunicacións sobre as probas da covid-19.
Boletín
Subscríbase ao boletín
