O plan para promover o éuscaro en Donostia será aprobado nas vindeiras semanas polo Goberno local. Con este documento preténdese que se converta en lingua de traballo do persoal municipal, ademais de visibilizar unha paisaxe lingüística na que o éuscaro sexa predominante nos rótulos dos establecementos comerciais.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
01 de setembro de 2020
O Goberno de Navarra, en colaboración con entidades locais, euskaltegis e escolas oficiais de idiomas, puxo en marcha para este curso 2020-2021 a campaña "¡La próxima en euskera! / Hurrengoan euskaraz!", que ten como obxectivo promover a aprendizaxe desta lingua.
01 de setembro de 2020
Unha nova lei que obriga a substituír o mongol como lingua de instrución polo chinés levantou importantes protestas nas escolas da rexión autónoma de Mongolia Interior.
Fonte: New York Times
01 de setembro de 2020
Representantes das comunidades indíxenas do Brasil advertiron que se non se fai nada para deter a expansión da pandemia da covid-19, a enfermidade podería acabar coa vida de falantes vellos e pór as súas linguas ao bordo da desaparición.
Fonte: BBC Brasil
31 de agosto de 2020
Abertos ao Galego, unha iniciativa da Mesa pola Normalización Lingüística para promover o galego no tecido empresarial, suma dous novos medios á listaxe de empresas xeolocalizadas na súa app: Codigo Cero e O Barbanza.
Fonte: Código Cero
31 de agosto de 2020
O novo tradutor automático, baseado en tecnoloxía de redes neuronais, ten dúas vantaxes respecto ao actual, que funciona en base a regras predefinidas: unha maior calidade das traducións e a posibilidade de traducir arquivos grandes.
Fonte: Generalitat de Catalunya
31 de agosto de 2020
ERC rexistrou unha iniciativa no Congreso para demandar que o catalán se recoñeza como lingua oficial na Unión Europea e se incorpore ás súas institucións. Entre os motivos, citan o recoñecemento do multilingüismo que inspira a política da UE, os máis de dez millóns de falantes deste idioma (repartidos por catro estados), a súa situación sociolingüística, a súa importante tradición literaria e cultural...
31 de agosto de 2020
O secretario xeral de Política Lingüística, Valentín García, participou na presentación de “Edición Limitada. Pazo do Faramello”, un ciclo de cociña acompañado de concertos organizado por Inés Portela de Piombino State integrado no Fondo de Proxectos Culturais Xacobeo 2021.
28 de agosto de 2020
O Ministro de Inmigración de Australia, Alan Tudge, anunciou que o programa de formación lingüística en inglés para persoas inmigrantes e refuxiadas deberá revisarse xa que non está tendo os resultados esperados.
Fonte: The Guardian
28 de agosto de 2020
Os Institutos Culturais Romaneses de todo o mundo ofrecerán eventos en liña para celebrar o Día Internacional da Lingua Romanesa.
Fonte: Romania Insider
Boletín
Subscríbase ao boletín
