Máis de 300 xornalistas asinaron un manifesto para esixir que todos os membros do novo Goberno vasco, así como os altos cargos, falen éuscaro. Con esta iniciativa, pretenden denunciar as desigualdades que sofren os profesionais que exercen o seu labor nesta lingua, fronte aos que informan en castelán.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de agosto de 2020
28 de agosto de 2020
A Xunta de Galicia, en colaboración coa Dirección Rexional de Cultura do Norte de Portugal e a Agrupación Europea de Cooperación Territorial Galicia-Norte de Portugal (AECT) continúan co desenvolvemento da sexta edición do premio literario Nortear.
28 de agosto de 2020
O Correo da Unesco é unha revista trimestral que se publica nas seis linguas oficiais da organización (castelán, inglés, francés, ruso, chinés e árabe), ademais de portugués, coreano e esperanto, e agora tamén en catalán.
Fonte: Generalitat de Catalunya
28 de agosto de 2020
A Fundación Tecnolóxica para o Desenvolvemento de Guatemala (FUNTEDEGU) desenvolveu unha aplicación que permite traducir dos idiomas kaqchikel e k’iché’ ao español. A ferramenta irá incorporando sucesivamente máis linguas das comunidades indíxenas guatemaltecas.
Fonte: Huawebtenango
28 de agosto de 2020
Co fin de evitar a expansión da covid-19 e ofrecer información a toda a cidadanía xaponesa, as entidades rexionais e locais do Xapón (prefecturas e cidades, entre outras) deberán empregar intérpretes de lingua de signos nas sesións informativas sobre a pandemia.
Fonte: The Mainichi
27 de agosto de 2020
En total destinará 292 176,29 euros á convocatoria de axudas á produción editorial e fonográfica catalán, dos que 240 102,03 euros corresponden a libros e 52 074,26 corresponden obras fonográficas.
Fonte: Diario de Mallorca
27 de agosto de 2020
Néstor Rego, deputado do BNG no Congreso, rexistrou unha iniciativa parlamentaria para demandar que a aplicación Radar COVID incorpore o idioma galego, xa que, polo momento, só está dispoñible en castelán, inglés e catalán, pero non no resto de linguas oficiais do Estado.
Fonte: El Correo Gallego
27 de agosto de 2020
Quince escritores portugueses están entre os 54 semifinalistas seleccionados para o Premio Océanos de Literatura, que distingue as mellores obras publicadas en lingua portuguesa.
Fonte: Público
26 de agosto de 2020
O colectivo Administrazioan Euskaraz Taldea denunciou a redución de prazas levada a cabo polo Concello de Pamplona nas escolas infantís municipais, xa que condiciona as opcións das familias, que, á hora de escoller o modelo lingüístico, adoitan adaptarse á oferta.
Fonte: Noticias de Navarra
26 de agosto de 2020
A Secretaría de Cultura de México, en colaboración coa Coordinación Nacional de Bolsas, lanzou o proxecto de relatos "DíaNoche, relatos que se muerden la cola" co obxectivo de promover a escrita nas linguas indíxenas do país americano.
Fonte: Estación Pacífico
Boletín
Subscríbase ao boletín
