O secretario xeral de Política Lingüística, Valentín García, e a secretaria autonómica de Escolas Católicas, Juana Otero, inauguraron as XVI Xornadas de Normalización Lingüística, un evento formativo dirixido a equipos de dinamización da lingua galega e, en xeral, profesorado, tanto de centros públicos coma concertados e privados.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
27 de novembro de 2020
27 de novembro de 2020
A embaixadora de Francia en Portugal, Florence Mangin, presentou unha proposta á Cámara Municipal de Guimarães para reforzar a aprendizaxe da lingua francesa nas escolas primarias por medio dun proxecto piloto que contará co apoio da Alliance Française.
Fonte: ComUM
26 de novembro de 2020
O secretario xeral de Política Lingüística, Valentín García, participou na presentación de Camiñares, o terceiro videoclip da Triloxía meiga, da compañía Queiman e Pousa, coa que en outubro se inaugurou a publicación de traballos dixitais do Fondo de Proxectos Culturais Xacobeo 2021 da Xunta de Galicia.
Fonte: O Portal da Lingua Galega
26 de novembro de 2020
O Goberno de Aragón asinará oito convenios de colaboración con diferentes entidades para impulsar proxectos de fomento das linguas propias da comunidade, que se suman aos acordos xa existentes con entidades locais e asociacións.
Fonte: Diario del Alto Aragón
26 de novembro de 2020
O secretario xeral de Cultura, Anxo M. Lorenzo, participou na rolda de prensa de presentación do Obradoiro Internacional de Tradución Poética “Con barqueira e remador”, que celebrará a partir do 30 de novembro e durante unha semana a súa novena edición nun formato totalmente en liña.
26 de novembro de 2020
O secretario xeral de Política Lingüística, Valentín García, visitou Camposancos para coñecer o proxecto Anónimas camposinas, promovido e desenvolto pola artista Gemma Marqués, autora de Anónimas. Retratos de musas cotiás, no marco das iniciativas do Fondo de Proxectos Culturais Xacobeo 2021 da Xunta de Galicia.
25 de novembro de 2020
A organización do premio Océanos, que distingue cada ano as mellores obras publicadas en lingua portuguesa en diferentes países do mundo, revelou a súa lista de finalistas. Tres dos libros son de autoría portuguesa e 7 brasileira.
Fonte: Observador
25 de novembro de 2020
Unha iniciativa destinada a difundir os fondos dos arquivos do Reino Unido sacou á luz no País de Gales unha interesante guía de conversa galés-inglés dirixida a turistas do século XIX.
Fonte: The Guardian
25 de novembro de 2020
Ademais de palabras relacionadas coa pandemia do coronavirus, o Dicionario da lingua española recolle outras como "trol", "nacho", "finde", "gastrobar" ou "fascistoide". Trátase dunha actualización que suma máis de 2500 novidades, tanto emendas como incorporacións, que xa están incluídas na súa edición dixital.
25 de novembro de 2020
BNG, ERC, Junts e Bildu presentaron conxuntamente no Congreso unha emenda aos orzamentos xerais de 2021 para solicitar que Facenda traspase 10 millóns de euros a RTVE para que merque filmes, series e documentais en galego, catalán e éuscaro, co obxectivo de promover a produción audiovisual nas linguas oficiais minorizadas.
Boletín
Subscríbase ao boletín
