Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Dirección Xeral de Política Lingüística, en colaboración co Termcat, creou “Com ho diries en català?”, un xogo interactivo sobre préstamos innecesarios que ofrece formas catalás alternativas a expresións tomadas principalmente do inglés e do castelán.
Fonte: Generalitat de Catalunya
Galego 2.0 ofrece recursos en liña para promover o uso do galego entre a infancia e a mocidade a través de seis taboleiros temáticos, que se presentan os xoves do mes de xullo. Así, a cuarta entrega de Galego 2.0 céntrase no ensino, cunha selección de repositorios e ferramentas didácticas en liña de apoio á docencia nas diferentes etapas educativas.
Fonte: Consello da Cultura Galega
O Servizo de Normalización Lingüística da Mancomunidade de Ordes pon en marcha, un ano máis, a súa xincana lingüística, unha iniciativa que ten como obxectivo crear espazos de uso para o galego no tempo de lecer de nenas e nenos dos primeiros cursos de primaria.
Fonte: Consello da Cultura Galega
A comunidade kurda de Alemaña sente discriminación pola falta de contidos en kurdo na aplicación sobre a covid-19 creada polo Goberno alemán para informar sobre a situación da pandemia.
Fonte: RUDAW
A Universidade de Xida, en Arabia Saudita, impartirá a lingua chinesa no próximo ano lectivo. Isto convértea na primeira institución académica que inclúe esta lingua no seu currículo.
Fonte: Gulf News
A Deputación de Pontevedra publicou as bases das axudas para a creación, mantemento ou reforzo dos servizos de normalización lingüística (SNL) municipais durante o ano 2020.
Fonte: Consello da Cultura Galega
A Corporación Nacional do Desenvolvemento Indíxena (Conadi) na rexión da Araucanía (Chile) anunciou un investimento de 412 millóns de pesos para realizar obradoiros en liña de mapuche e protexer os valores culturais deste e outros pobos indíxenas.
Fonte: Cooperativa
O Ministerio de Cultura e Deporte puxo en marcha o portal 'Books from Spain' para impulsar a tradución de obras españolas escritas en todas as linguas oficiais.
Fonte: La Moncloa
Un bo número de artistas do Perú está a adoptar a lingua quechua nas súas cancións e isto convértese nun xeito de loitar contra a súa relegación na sociedade peruana.
Fonte: El País
A Xunta convoca unha nova edición dos Premios da Cultura Galega, uns galardóns que teñen por obxecto apoiar o labor creativo en Galicia e a súa expansión nos novos espazos que se abren na actualidade en diferentes ámbitos.
Fonte: Xunta de Galicia
Subscríbase ao boletín
