Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Rede Europea para a Igualdade das Linguas (ELEN, polas súas siglas en inglés) trasladou ao Consello dos Dereitos Humanos da ONU as súas críticas ás recentes resolucións da xustiza española en contra das linguas minorizadas. A ELEN está integrada por entidades das linguas minorizadas do Estado español como a Mesa pola Normalización Lingüística.
Fonte: ELEN
Máis de corenta concellos da provincia da Coruña aproveitarán a liña de apoio de 459 707 euros da Deputación da Coruña para crear e manter servizos de normalización lingüística.
Fonte: Galicia Confidencial
Un proxecto de colaboración entre as universidades suízas de Xenebra e Zürich permitiu o nacemento da revista en liña Língua-lugar, que xorde co fin de divulgar a identidade portuguesa no país helvético.
Fonte: Jornal de Notícias
A Consellería de Cultura e Turismo publicou as bases das axudas dirixidas ás entidades locais para o mantemento ou reforzamento dos seus servizos de normalización lingüística durante o ano 2020.
Fonte: Consello da Cultura Galega
Un encontro da Rede de Ensino Portugués no Estranxeiro (EPE, polas súas siglas en portugués) terá lugar na Fundación Calouste Gulbenkian de Lisboa para compartir estratexias sobre o ensino do portugués no novo contexto causado pola emerxencia sanitaria.
Fonte: Público
O Parlamento de Noruega ratificou a proposta presentada polo Goberno para ampliar os requisitos de dominio da lingua norueguesa para poder optar á nacionalidade.
Fonte: News in English
A Real Academia Galega aproveitou a data do pasado 15 de xullo, aniversario da morte de Rosalía de Castro, para reproducir o discurso de ingreso na institución de Carvalho Calero, quen dedicara parte da súa intervención á escritora.
O proxecto A Chave nace coa finalidade de fomentar e valorar a lingua galega e ampliar os horizontes dixitais e os coñecementos da natureza e do medio ambiente en galego.
Fonte: Galicia Confidencial
A televisión pública en éuscaro rexistrou uns datos de audiencia moi pobres durante o estado de alarma e non está a competir con outras plataformas de contido audiovisual.
Fonte: El Diario
O secretario xeral de Política Lingüística, Valentín García, acompañou a escritora alemá afincada en Galicia Úrsula Heinze na presentación do seu último libro, Flashes, que tivo lugar no Pazo de San Roque.
Fonte: O Portal da Lingua Galega
Subscríbase ao boletín
