O secretario xeral de Política Lingüística, Valentín García, e a delegada territorial da Xunta en Vigo, Marta Fernández-Tapias, asistiron á primeira das funcións na cidade olívica do espectáculo musical Aladino e a lámpada marabillosa, incluído no Fondo de proxectos culturais Xacobeo 2021, que ofrece Avento Producións na Sala Artika.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de outubro de 2020
28 de outubro de 2020
O Boletín Oficial da Provincia de Pontevedra publicou as bases das axudas que convoca a Deputación provincial para o fomento do galego. En total, destinarase unha partida de 220 000 euros que se repartirán entre entidades sin ánimo de lucro e concellos de menos de 50 000 habitantes.
Fonte: Deputación de Pontevedra
27 de outubro de 2020
O centro de ensino Domingo Savio de Rionegro, no departamento de Antioquia, converteuse na primeira escola rural bilingüe español-inglés de Colombia.
Fonte: Bluradio
27 de outubro de 2020
O Consello Rexional da Bretaña anunciou unha axuda de 200 000 euros para apoiar e fomentar a rede de escolas Diwan que integra medio centenar de centros de ensino de inmersión en lingua bretoa.
Fonte: Nós Diario
27 de outubro de 2020
Estas xornadas, este ano cun formato virtual, teñen como obxectivo deseñar estratexias para activar os/as falantes de galego do século XXI. Haberá dúas sesións abertas, os días 10 e 12 de novembro, e unha sesión de traballo interna, para persoal técnico, o 17.
27 de outubro de 2020
Nos últimos meses apareceron algúns xogos en asturiano cunha moi boa acollida, entre elas o primeiro xogo de rol nesta lingua: Después d'ochobre. Proba do seu éxito é que esta versión superou en vendas á súa homóloga en castelán.
Fonte: El Comercio
27 de outubro de 2020
O Consorcio para a Normalización Lingüística pon a disposición de empresas e asociacións empresariais un servizo de asesoramento para facilitarlles recursos que melloren a calidade lingüística en catalán e a comunicación nas redes sociais.
Fonte: Generalitat de Cataluña
27 de outubro de 2020
Tres xornadas virtuais organizadas pola Universidade de Vigo analizarán a presenza do galego na rede
O ciclo de coloquios virtuais Redes Galegas terá lugar os días 29 de outubro e 5 e 12 de novembro. Consta de tres xornadas nas que profesionais relacionados coas redes sociais e a comunicación dixital afondarán en temas como a presenza da cultura galega en internet ou no uso das redes sociais como un xeito de achegar o galego ás novas xeracións.
27 de outubro de 2020
Logo da interrupción en marzo por mor da crise sanitaria, a Coordinadora de Traballadores/as de Normalización da Lingua retoma a convocatoria dos II Premios Mil Primaveras destinados a proxectos de posta en valor e fomento do galego.
Fonte: CTNL
27 de outubro de 2020
Grazas aos traballos de recollida da tradición oral realizados nas súas sete parroquias, o Concello de Nigrán pon a disposición da cidadanía algo máis de 7000 nomes de lugares como campos, cultivos, pazos, montes, lavadoiros, presas, regatos, hórreos... que quedarán gardados nos arquivos municipais e xeolocalizados nunha páxina web.
Boletín
Subscríbase ao boletín
