Unha academia de formación do ámbito da viticultura, ViniPortugal, encargada da promoción dos viños portugueses, publicou contidos en lingua portuguesa.
Fonte: Frutas, Legumes e Flores
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de outubro de 2020
23 de outubro de 2020
A proba piloto do proxecto de parellas lingüísticas en lingua de signos catalá busca que as persoas participantes melloren e practiquen esta lingua e coñezan a comunidade e a cultura xordas. Formaranse cinco parellas que terán encontros semanais para signar que se estenderán ata finais do mes de decembro.
Fonte: Generalitat de Catalunya
23 de outubro de 2020
O secretario xeral de Política Lingüística, Valentín García, e o delegado territorial da Xunta en Lugo, Javier Arias, fixeron a presentación pública do libro Carvalho Calero en Lugo. Don Ricardo de Fingoi.
Fonte: O Portal da Lingua Galega
22 de outubro de 2020
O Consello da Xunta aprobou a convocatoria pública de oito bolsas de formación nos lectorados de lingua, literatura e cultura galegas en distintas universidades de España e de países como Portugal, Italia e Brasil cun investimento global de máis de 300 000 euros.
22 de outubro de 2020
A Dirección Xeral de Política Lingüística presentou, nun acto en liña que se retransmitiu por YouTube, cinco novos libros de lectura fácil, catro en catalán e, por primeira vez, un en aranés.
Fonte: Generalitat de Catalunya
22 de outubro de 2020
Os cursos de catalán para persoal sanitario residente teñen vinte horas de duración e buscan ofrecerlles ás persoas asistentes unha primeira aproximación a esta lingua, que lles permita adquirir habilidades de comprensión e de produción oral básicas para empregar en situacións cotiás no ámbito da saúde.
Fonte: Generalitat de Catalunya
22 de outubro de 2020
As fundacións Losada Diéguez, Vicente Risco, Castelao e Otero Pedrayo son as gañadoras da edición dos Premios Otero Pedrayo 2020, que recoñecen o seu papel de difusión do legado dos principais persoeiros da Xeración Nós.
Fonte: O Portal da Lingua Galega
22 de outubro de 2020
O secretario xeral de Política Lingüística, Valentín García, participou na presentación de dúas iniciativas enmarcadas no Fondo de Proxectos Culturais Xacobeo 2021 posto en marcha pola Consellería de Cultura, Educación e Universidade no marco do Plan de reactivación cultural.
21 de outubro de 2020
Un bo número de embaixadas e consulados italianos de todo o mundo organizan eventos para celebrar a XX edición da Semana da Lingua Italiana que este ano ten como tema "O italiano entre palabras e imaxes: graffiti, ilustracións e banda deseñada".
Fonte: La Tecnica della Scuola
21 de outubro de 2020
O Camões - Instituto da Cooperación e da Lingua Portuguesa terá a partir de novembro un novo presidente. O diplomático João Ribeiro de Almeida sucederá a Luís Faro Ramos na presidencia do organismo que vela pola promoción e proxección internacional do portugués.
Fonte: Público
Boletín
Subscríbase ao boletín
