A Xunta Xeral do Principado de Asturias aprobou por 27 votos a favor, 13 en contra e 5 abstencións, a reforma do Regulamento da Cámara para garantir o dereito a usar o asturiano no parlamento autonómico.
Fonte: Público
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de xullo de 2020
06 de xullo de 2020
A Dirección Xeral de Política Lingüística da Generalitat de Cataluña creou unha miniserie de 21 vídeos para aprender catalán do curso oral Ep! Escolta i parla.
Fonte: Generalitat de Catalunya
03 de xullo de 2020
Galdakao contará durante o verán cunha programación de lecer infantil, dirixida a nenas e nenos de entre 5 e 11 anos, coa que pretende fomentar o emprego do éuscaro no municipio.
Fonte: Deia
03 de xullo de 2020
Euskal Wikilarion Kultura Elkartea está a impulsar diversas iniciativas na Wikipedia en éuscaro co obxectivo de afondar no coñecemento do territorio vasco, entre elas unha guía de viaxe de Euskal Herria, un concurso fotográfico e varias actividades, como visitas e percorridos virtuais.
03 de xullo de 2020
O Goberno do Principado de Asturias solicitou formalmente ao Estado español a incorporación desta comunidade autónoma no Consello de Linguas Oficiais, o órgano estatal que se encarga de velar polo uso dos idiomas oficiais na administración.
Fonte: El Comercio
03 de xullo de 2020
O concurso #fotolingua ten como obxectivo darlles visibilidade aos establecementos comerciais de Santiago comprometidos co uso do galego. Os comercios que desexen participar, deben seguir a conta de Facebook ou de Instagram da iniciativa e subir unha fotografía na que se amose o uso desta lingua en carteis, escaparates, letreiros, etiquetaxe etc.
Fonte: Consello da Cultura Galega
03 de xullo de 2020
O Instituto Camões acaba de aprobar unha liña de apoio para promover e divulgar a tradución e edición de obras escritas en portugués por autores dos países africanos de lingua oficial portuguesa e do Timor Leste.
Fonte: Diário de Notícias
03 de xullo de 2020
O presidente da rexión Friúl-Venecia Xulia, Piero Mauro Zanin, pediu ao Goberno de Italia que cree un centro de produción radiofónica e televisiva en lingua friulana na Rai, a empresa de radiodifusión pública de Italia.
Fonte: Il Gazzettino
03 de xullo de 2020
Un libro publicado pola Universidade Estatal de Campinas (Unicamp, polas súas siglas en portugués) analiza o papel que desempeñaron as mulleres no desenvolvemento da lingua portuguesa e a implantación das súas formas lingüísticas na cidade de São Paulo do século XIX.
Fonte: Carta Campinas
03 de xullo de 2020
Un estudo realizado pola Universidade das Terras Altas e Illas de Escocia revelou que se non se toman medidas inmediatas a perda continuada de falantes do gaélico escocés podería pór esta lingua ao bordo da extinción na próxima década.
Fonte: The Guardian
Boletín
Subscríbase ao boletín
