Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O proxecto Lingua e prensa, impulsado pola Universidade de Málaga en 2008 para recompilar noticias xornalísticas sobre as linguas de España, permite na actualidade acceder a unha hemeroteca lingüística virtual que conta con máis de 22 000 novas etiquetadas procedentes de diferentes medios de comunicación.
Fonte: Consello da Cultura Galega
A Deputación de Áraba, en colaboración co Goberno vasco e o Concello de Vitoria, porá en marcha, no marco do programa Lanabes de impulso do uso do éuscaro no ámbito empresarial arabés, dous novos proxectos: unha comunidade de prácticas nesta lingua e un servizo de asesoramento lingüístico para as empresas.
Fonte: El Correo
Por medio da aprobación dunha lei de 2018, a Xunta Rexional da Rexión Autónoma de Sardeña autorizou a impartición da lingua algueresa nas escolas da cidade de Alguer.
Fonte: dBalears
A Universidade Napier de Edimburgo converteuse no terceiro centro de ensino superior de Escocia que decide recortar os seus estudos de natureza lingüística por motivos de baixa rendibilidade económica.
Fonte: The Times
A creación do vídeo ‘La terra del foc’ servirá para dar a coñecer o vocabulario da pirotecnia. Trátase dun produto audiovisual que está pensado para difundir a través das redes sociais e a mensaxería instantánea.
Fonte: El Periòdic
A Concellería de Normalización Lingüística está a organizar unha programación especial para o 9 de outubro, data na que tamén se conmemora o 25º aniversario deste departamento. Entre as actividades previstas figuran a entrega dos XXIII Premios Maig-Memorial Pasqual Batalla, o Correllengua, música en valenciano etc.
O pazo municipal acolleu a sesión constituínte do Consello Sectorial da Lingua de Ferrol. Nesta primeira sesión ordinaria aprobouse o regulamento interno do novo órgano. Agora abrirase un período para que soliciten o seu ingreso particulares e entidades que nos seus estatutos inclúan a defensa do galego.
O secretario xeral de Política Lingüística, Valentín García, participou no Centro Sociocultural de Alfoz na presentación dos dous volumes O bispado de Mondoñedo na Idade Media. Territorio, comunidade e poder, un traballo do investigador Carlos Andrés González Paz que se publica co apoio da Xunta de Galicia.
A Xunta de Galicia reforza o seu apoio á Federación de Asociacións de Persoas Xordas de Galicia (Faxpg) a través dun novo convenio de colaboración que ten por obxecto facilitar o acceso deste colectivo a información pública do seu interese en lingua de signos.
Fonte: Xunta de Galicia
O Portal das Palabras, unha iniciativa da Real Academia Galega e a Fundación Barrié, convoca o concurso “Olla a Palabra do Día!” dirixido aos centros educativos. Repartiranse oito premios entre os traballos do alumnado que lles poñan imaxes aos termos da sección Palabra do Día.
Subscríbase ao boletín
