O Instituto Portugués Alén Fronteiras e a Fundación Luso-Americana para o Desenvolvemento elaboraron un proxecto de recollida de información sobre o nacemento da radio en portugués en California hai exactamente cen anos.
Fonte: Notícias ao Minuto
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de xuño de 2020
A Asemblea do País de Gales debaterá unha proposta que pretende evitar que os topónimos orixinais en galés sexan substituídos por nomes anglófonos. O obxectivo é evitar que o País de Gales perda o seu patrimonio inmaterial.
Fonte: BBC
26 de xuño de 2020
Unha sondaxe publicada pola Oficina Pública da Lingua Occitana revela que máis do 90 % das persoas entrevistadas das rexións de Nova Aquitania, Occitania e Arán están a favor de que se desenvolvan políticas a favor da lingua occitana.
Fonte: Jornalet
26 de xuño de 2020
O Instituto de Estudos Cataláns abriu a Oficina Pública da Lingua Catalá na cidade francesa de Perpiñán co fin de recuperar o uso social da lingua vernácula catalá en toda a zona da Cataluña do Norte.
Fonte: El Español
26 de xuño de 2020
Segundo unha enquisa, as persoas máis novas (15-19 anos) son as que máis usan o éuscaro en internet, con porcentaxes que descenden a medida que se incrementa a idade. Por territorios históricos, a mocidade guipuscoana é a que máis consultas realiza na rede nesta lingua.
Fonte: Gobierno Vasco
26 de xuño de 2020
Entidades da sociedade civil, sindicatos e partidos políticos subscribiron un manifesto para esixirlle á Generalitat Valenciana a defensa do valenciano cun plan de cooperación lingüística xunto a Cataluña e ás Baleares, despois da sentenza do Tribunal Supremo que anula parcialmente o decreto que regula o seu uso na Administración.
26 de xuño de 2020
Duolingo acaba de presentar o seu novo curso de lingua finesa, un dos máis esperados polos cibernautas para a aprendizaxe en liña.
Fonte: YLE
25 de xuño de 2020
Segundo unha enquisa, a porcentaxe de persoas de 16 anos ou máis que fala éuscaro en Navarra pasou do 12,9 % de 2016 ao 14,1 % en 2018. Esta é, soa ou xunto ao castelán, a primeira lingua do 9,1 % da poboación da Comunidade Foral, unha porcentaxe que se incrementa ata o 15,1 % no caso da xente nova.
Fonte: Diario de Navarra
25 de xuño de 2020
Dende a Chunta Aragonesista pídenlle á administradora provisional única da Corporación RTVE o deseño de contidos específicos en lingua aragonesa para emitir en Aragón a través do Centro Territorial.
Fonte: La Vanguardia
25 de xuño de 2020
A Mesa pola Normalización Lingüística e varios colectivos do mundo do ensino presentaron unha proposta para impulsar a lingua galega nas diferentes etapas do sistema educativo.
Fonte: Galicia Confidencial
Boletín
Subscríbase ao boletín
