Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Galego 2.0 ofrece recursos en liña para promover o uso do galego entre a infancia e a mocidade a través de seis taboleiros temáticos, que se presentan cada xoves durante o mes de xullo. Así, os dous últimos taboleiros céntranse na literatura, e na ciencia e a tecnoloxía.
Fonte: Consello da Cultura Galega
Un deputado presentou un proxecto de lei que establece que o idioma oficial de Uruguai é o español. Así mesmo, respecto ás regras do idioma, sinala a Academia Nacional de Letras como órgano responsable dos ditames.
Fonte: Radio Sarandí 690
Segundo sinalan dende Rei Zentolo, o algoritmo de Google non recoñece o galego como idioma, o que supón unha serie de dificultades para poder desenvolver unha campaña publicitaria nesta lingua.
Fonte: Galicia Confidencial
O secretario xeral de Política Lingüística, Valentín García, e o director do Instituto Galego de Análise e Documentación Internacional (IGADI), Daniel González, presentaron no Pazo de San Roque o informe anual de acción exterior de Galicia Nós no mundo. A paradiplomacia galega na nova normalidade e mais o Informe anual do IGADI 2019-2020. Da guerra comercial á Covid-19, ambos os dous traballos publicados co apoio da Consellería de Cultura e Turismo.
A décima edición do Atlàntida Film Fest contará con sesións presenciais en Palma e en Barcelona. Neste festival poderanse ver quince longametraxes en versión orixinal subtitulada en catalán.
Fonte: Generalitat de Catalunya
O Museo da Lingua Portuguesa de São Paulo lanzou o proxecto virtual A Palavra no Agora con que se pretende estimular o público a expresar os sentimentos relacionados coa pandemia provocada pola covid-19.
Fonte: Campinas
Unha deseñadora gráfica e nai dun neno que asiste a unha escola de inmersión en galés decidiu abandonar o seu traballo habitual para crear o seu propio negocio de produtos educativos en lingua galesa para suplir a falta deste material no mercado. O seu traballo xa recibiu recoñecemento público por medio de premios de emprendemento empresarial.
Fonte: South Wales Guardian
A profesora e escritora Charo Golmar presentou no compostelán Pazo de San Roque o seu último libro, Nobelo de luz, co que se estrea como poeta, da man de Edicións Fervenza.
Fonte: O Portal da Lingua Galega
A escola Semente de Compostela logrou apoio económico entre a cidadanía para reformar un novo edificio grazas ao crowdfunding co que conseguiron 160 000 euros, 30 000 máis do que precisaban inicialmente para este proxecto.
Fonte: Galicia Confidencial
Unha proposta do partido dos Demócratas Cristiáns da República Checa permitiría recuperar unha lei de 2015 pola que as minorías lingüísticas poderían casar na súa propia lingua.
Fonte: Brno Daily
Subscríbase ao boletín
