Os establecementos comerciais e hostaleiros de Muskiz poderán acollerse ao programa de axudas impulsado dende o Concello, ao que destinará 1500 euros, para poñer un rótulo e un toldo en éuscaro.
Fonte: El Correo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
29 de xullo de 2020
29 de xullo de 2020
Plataforma per la Llengua solicitoulle á delegada do Goberno en Valencia que se investiguen as dificultades para realizar os exames do carné de conducir en valenciano e demandan que as preguntas dos tests se formulen tamén nesta lingua e non só en castelán.
Fonte: Levante-EMV
29 de xullo de 2020
O novo documento de identidade aprobado por Marrocos exclúe a lingua tamazight ou bérber a pesar de que é idioma oficial desde 2011.
Fonte: Nationalia
29 de xullo de 2020
Para celebrar o seu 70 aniversario, Galaxia, cuxa asemblea fundacional tivo lugar o 25 de xullo de 1950 nun hotel compostelán, vai publicar un número especial de Grial, unha revista que a editorial comezou a editar en 1963.
Fonte: Praza Pública
29 de xullo de 2020
Os Premios á calidade lingüística, que teñen como obxectivo fomentar o uso do galego entre o alumnado, chegan á súa edición número dezaseis para recoñecer os mellores traballos académicos, fin de grao (TFG) e fin de mestrado (TFM) redactados nesta lingua ao longo do presente curso.
29 de xullo de 2020
A versión en liña do Dicionario da Real Academia Galega incorpora novas entradas e acepcións relacionadas co vocabulario da pandemia de coronavirus, que se suman a outras que xa se incluíran o pasado mes de maio.
28 de xullo de 2020
O Consulado Xeral do Brasil en Nova York abriu o proceso selectivo para a contratación dun profesor de portugués a tempo parcial que fará tamén labores de promoción lingüística.
Fonte: Brazilian Times
28 de xullo de 2020
A crise provocada pola covid-19 podería significar o peche do xornal Nikkey Shimbun, único diario de lingua xaponesa no Brasil que fora fundado por inmigrantes xaponeses.
Fonte: The Mainichi
28 de xullo de 2020
A Universidade de Vigo destina un orzamento de 12 000 euros á convocatoria, un ano máis, de axudas para redactar e defender en galego teses de doutoramento, así como os premios á calidade lingüística dos TFG e TFM presentados no curso 2019/2020 cunha cualificación mínima de oito.
Fonte: Universidade de Vigo
28 de xullo de 2020
Este convenio para o ano 2020 entre ambas as institucións ten como obxectivo normalizar e colaborar no desenvolvemento, estudo e investigación do éuscaro. Algúns dos proxectos que se impulsarán son a participación en dicionarios así como en traballos de onomástica e toponimia.
Fonte: Diario de Navarra
Boletín
Subscríbase ao boletín
