Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O documento El desenvolupament de la llengua catalana en l’entorn dels assistents virtuals amb veu amosa a importancia que teñen os asistentes de voz para o catalán e para toda a sociedade e propón estratexias para avanzar neste ámbito.
Fonte: Generalitat de Catalunya
O proxecto Aulas Galegas recolle nun sitio web recursos didácticos en galego clasificados por materia e nivel educativo. Trátase de contidos educativos elaborados polo colectivo de profesoras e profesores que impulsaron a iniciativa, aos que sumarán outros materiais que xa están accesibles na rede.
Fonte: Consello da Cultura Galega
O presidente de Angola, Jõao Lourenço, recoñeceu que hai eivas no ensino da lingua portuguesa no país africano e apostou pola mellora deste por entender que é o vehículo de transmisión de coñecemento doutras disciplinas como as científicas.
Fonte: Jornal de Angola
Unha muller tibetana exiliada en Escocia pertence a un grupo de persoas que tiveron que abandonar a Rexión Autónoma do Tíbet, administrada por China, e agora denuncian medidas represoras do réxime chinés contra o seu pobo. Segundo palabras desta muller, a lingua tibetana está sendo substituída paulatinamente polo chinés mandarín, mesmo en zonas rurais.
Fonte: The Ferret
A convocatoria de subvencións para libros e fonogramas en catalán está dotada dun orzamento de 300 000 euros. O seu obxectivo é incrementar o coñecemento e a presenza social do catalán, así como apoiar a industria editorial e discográfica nesta lingua.
Fonte: Crónica Balear
Ata o 17 de abril permanecerá aberto o prazo de inscrición nos cursos de lingua e cultura galegas para persoas de fóra de Galicia "Galego sen fronteiras" que este ano chegan á súa trixésimo terceira edición.
A Coordinadora de Traballadores/as de Normalización da Lingua (CTNL) decidiu interromper, a causa da actual crise do coronavirus, o prazo para presentar proxectos de posta en valor e fomento do galego aos II Premios Mil Primaveras.
Fonte: Premios Mil Primaveras
A Mesa pola Normalización Lingüística instou o presidente da Xunta a respectar o dereito da cidadanía a recibir información en galego ante a crise do coronavirus.
Fonte: Galicia Confidencial
A marca Puru Remangu impulsa a campaña #30DíesConRemangu, unha iniciativa coa que se pretende que ao longo do mes de marzo a rede social Instagram se encha de historias de avoas asturianas.
Fonte: La Vanguardia
Os editores de revistas en catalán permitirán acceder de xeito gratuíto durante un mes ao seu quiosco virtual. En total, todas as persoas que o desexen poderán consultar de balde as 77 revistas dispoñibles de diferentes temáticas nesta lingua.
Fonte: La Vanguardia
Subscríbase ao boletín
