O presidente de Ucraína, Volodymyr Zelenskyy, proclamou unha lei educativa que ofrece tres modelos para a aprendizaxe da lingua ucraína para as minorías que residen no país, incluída a rusa.
Fonte: Ukrainian News
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
13 de marzo de 2020
13 de marzo de 2020
A Xarxa Vives de universidades financiará a publicación de traballos científicos en catalán mediante un programa de axudas. O obxectivo da iniciativa é prestixiar esta lingua e fomentar o seu uso na difusión do coñecemento.
Fonte: La Vanguardia
13 de marzo de 2020
Elhuyar presentou o seu recoñecedor da fala chamado Aditu, unha plataforma para a transcrición e a subtitulación automática de audios e vídeos. Trátase dunha ferramenta de pago que permite subtitular e transcribir discursos, conversacións e distintos enunciados en éuscaro e castelán.
Fonte: 20minutos
13 de marzo de 2020
Segundo mostra o informe da Liña do Galego de 2019, no último ano aumentaron as queixas pola discriminación desta lingua, que alcanzaron as 318. Destas, un 45,28% están relacionadas coa Administración pública.
Fonte: Galicia Confidencial
13 de marzo de 2020
O relator especial sobre as minorías da Oficina do Alto Comisionado de Dereitos Humanos das Nacións Unidas, Fernand de Varennes, publicou un informe sobre a situación das linguas minorizadas en España no que propón que se revisen as medidas que impiden o pleno desenvolvemento do ensino nestes idiomas, entre os que cita o galego.
Fonte: Praza Pública
13 de marzo de 2020
Con motivo da visita do secretario da Comunidade de Países de Lingua Portuguesa (CPLP), Francisco Ribeiro Telles, a Guinea Ecuatorial, o presidente do país africano, Teodoro Obiang Ngumea Mbasogo, comprometeuse a financiar unha futura escola de lingua portuguesa con dúas sedes, unha na capital Malabo e outra en Bata.
Fonte: Público
13 de marzo de 2020
O Goberno do estado brasileiro do Ceará está considerando a introdución do ensino da lingua alemá nos Centros Cearenses de Idiomas, tal como confirmou a gobernadora do estado, Izolda Cela.
Fonte: Governo do Estado do Ceará
12 de marzo de 2020
O secretario xeral de Política Lingüística, Valentín García, participou, no compostelán Pazo de San Roque, na presentación do I Premio de Ensaio Camiño de Santiago convocado pola Academia Xacobea co apoio da Consellería de Cultura e Turismo.
Fonte: O Portal da Lingua Galega
12 de marzo de 2020
O proxecto Ponte... nas Ondas! cumpre 25 anos poñendo en valor o patrimonio inmaterial galego-portugués. O secretario xeral de Política Lingüística, Valentín García, e mais o presidente da asociación Ponte... nas Ondas! deron a coñecer as iniciativas previstas para a celebración destes cinco lustros.
Fonte: O Portal da Lingua Galega
12 de marzo de 2020
O Tío Marcos d'a Portela, a primeira cabeceira en galego que conseguiu certa permanencia no tempo, xa pode consultarse en liña dende hai uns días grazas á última achega da Real Academia Galega a Galiciana, que inclúe un total de 75 publicacións periódicas históricas.
Fonte: Real Academia Galega
Boletín
Subscríbase ao boletín
