A Confederación Estatal de Persoas Xordas reivindicou a presenza das linguas de signos española e catalá nas políticas públicas nun manifesto con motivo do Día Nacional das Linguas de Signos Españolas celebrado o 14 de xuño.
Fonte: El Bierzo Digital
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
15 de xuño de 2020
15 de xuño de 2020
Esta nova liña de apoio aos subtítulos en catalán está dotada con 140 000 euros, para festivais e mostras de cine en Cataluña. Subvencionaranse tanto a tradución como a corrección, a inserción, a sincronización e as subtitulacións electrónicas.
Fonte: La Vanguardia
15 de xuño de 2020
Pamplona acolleu a reunión entre os gobernos do País Vasco e Navarra e a Oficina Pública da Lingua Vasca de Iparralde na que renovaron o seu compromiso para traballar coordinadamente en materia de política lingüística, a través do convenio Hiruko Ituna.
Fonte: EITB
15 de xuño de 2020
O Departamento de Cultura publicou o estudo El treball Català, youtubers i instagramers. Un punt de partida per promoure l’ús de la llengua, no que analiza o uso do catalán nos contidos xerados polas estrelas do mundo dixital dirixidos a adolescentes e xente nova e no que se propoñen iniciativas para a promoción desta lingua neste ámbito.
15 de xuño de 2020
A plataforma XesPol, creada por dous policías locais de Carballo, foi cedida gratuitamente aos concellos galegos, polo que na actualidade a empregan en 29 municipios. A Mesa pola Normalización Lingüística felicitou esta iniciativa, xa que lle permite á cidadanía facer operacións e consultas en galego.
Fonte: Código Cero
15 de xuño de 2020
A Deputación da Coruña publicou a resolución provisional das axudas a concellos e entidades locais da provincia para a creación, mantemento e reforzo dos servizos de normalización lingüística durante o ano 2020.
Fonte: Consello da Cultura Galega
15 de xuño de 2020
O prestixioso escritor escocés Douglas Dunn xa se pode ler en galego traducido pola boirense María D. Armental, que dá ao prelo a tradución da obra Selected Poems / Poemas escollidos, da man de HFD Editorial e da Asociación Cultural Barbantia coa colaboración da Consellería de Cultura e Turismo.
Fonte: O Portal da Lingua Galega
15 de xuño de 2020
Unha estudante de enfermaría dun municipio de Chiapas (México) traduce ao chol, a lingua indíxena local, as recomendacións sanitarias para evitar a difusión da covid-19 e mantén a súa comunidade libre de virus.
Fonte: ONU
15 de xuño de 2020
Intérpretes de conferencia de toda Europa únense para reclamar medidas por parte da Comisión Europea
Despois de perder os seus traballos pola falta de actividade durante a pandemia da covid-19, un grupo de intérpretes de conferencia que traballa para a Comisión Europea únese para demandar solucións.
Fonte: Deutsche Welle
12 de xuño de 2020
Un estudo elaborado por Shawn Loewen, catedrático do Departamento de Lingüística da Universidade do Estado de Míchigan, tenta analizar a eficacia das aplicacións móbiles no ensino das linguas estranxeiras.
Fonte: Michigan State University
Boletín
Subscríbase ao boletín
