O Tribunal Supremo do Canadá adoptará unha resolución pola que obrigará os diferentes gobernos provinciais a financiar sistemas de instrución en lingua francesa.
Fonte: CBC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
12 de xuño de 2020
12 de xuño de 2020
Unha editorial navarra atopou en Italia unha especie de dicionario escrito por un lingüista suízo que contén 100 palabras en éuscaro.
Fonte: Mediabask
12 de xuño de 2020
Trátase dun certame, organizado pola Comisión de Normalización Lingüística da Facultade de Farmacia da Universidade de Santiago de Compostela, que busca impulsar o uso do galego no eido das Ciencias da Saúde así como fomentar a existencia de recursos divulgativos nesta lingua en novos soportes neste ámbito. Nesta quinta edición contou con 22 participantes e 25 charlas.
12 de xuño de 2020
A presidenta do Consello Rexional de Occitania, en Francia, Carole Delga, manifestou a importancia de que todos os escolares da rexión poidan ter acceso ao ensino en occitano ou catalán.
Fonte: Jornalet
11 de xuño de 2020
O Certame de Investigación Condado de Pallares, que chega á súa edición número catorce, ten como obxectivo promover os labores de investigación nos ámbitos da lingüística, a historia, a arte, a arqueoloxía, a antropoloxía, a etnografía e o folclore no antigo territorio que conformaba este condado.
Fonte: La Voz de Galicia
11 de xuño de 2020
A comisión de Servizos e Benestar Social do Concello de Xixón inclúe na súa orde do día a proposta de aprobación do Plan de normalización lingüística, un texto que terán que analizar os grupos municipais antes de ir a Pleno.
Fonte: La Nueva España
10 de xuño de 2020
O ministro da Lingua Irlandesa, Seán Kyne, anunciou a aprobación dun investimento de máis de 800 000 euros para dotar a cidade de Galway dun Centro da Lingua Irlandesa que será un dos maiores de todo o país.
Fonte: Galway Daily
10 de xuño de 2020
Un acordo entre o Instituto Politécnico de Macau (IPM), a Universidade de Estudos Estranxeiros de Guangdong (GDUFS) e o Instituto de Educación Profesional e Continua da Universidade de Hong Kong (HKUSPACE) permitirá promover o ensino e a investigación da lingua portuguesa.
Fonte: SAPO
10 de xuño de 2020
O Concello de Santiago presentou as bases da convocatoria de axudas para a mellora e a innovación da restauración e hospedaxe compostelá. Entre as súa liñas figura a de incorporar ou ampliar o uso da lingua galega e doutros idiomas, á que se destinan 15 000 euros para paliar gastos de comunicación que contribúan a unha mellor atención da clientela.
10 de xuño de 2020
Os establecementos donostiarras que poñan en éuscaro os seus rótulos exteriores ou interiores poderán solicitar unha subvención ao Concello, que destinará 20 000 euros a estas axudas e ofrecerá o servizo gratuíto de tradución e corrección de textos para o comercio e a hostalería.
Fonte: DonostiTik
Boletín
Subscríbase ao boletín
