A segunda edición de Euskaraldia, o programa de promoción do uso do éuscaro, terá lugar entre o 20 de novembro e o 4 de decembro de 2020, 15 días máis que a primeira.
Fonte: 20 minutos
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
21 de novembro de 2019
21 de novembro de 2019
O secretario xeral de Política Lingüística, Valentín García, asistiu ao recital de poesía galega e bretoa e, ao tempo, acto de presentación dos volumes Canto e contracanto. Antoloxía de poetas de Bretaña e Barzhaz Bihan Galiza. Mostra de poesía galega que se celebrou no auditorio do Pazo de San Roque.
21 de novembro de 2019
A Comisión de Seguimento do Protocolo de colaboración en materia de política lingüística, no que participan os gobernos de Euskadi, Galicia, Cataluña, Navarra, Illas Baleares e Comunidade Valenciana, celebrou a súa reunión ordinaria anual para abordar diferentes temas de interese para as políticas lingüísticas das súas respectivas comunidades e deseñar e coordinar accións conxuntas de promoción das súas linguas propias.
20 de novembro de 2019
Un preso do cárcere belga de Saint-Gilles presentou unha queixa pola imposibilidade de facerse entender en neerlandés. O recluso recibiu xa varias amoestacións por non seguir as instrucións dos gardas.
Fonte: The Brussels Times
20 de novembro de 2019
O que arde converteuse no filme rodado en galego máis visto nas salas comerciais en toda a historia, un récord que ata agora tiña Sempre Xonxa, con 62 203 espectadores, fronte á película de Oliver Laxe que acaba de superar os 62 500 y que ademais se sitúa entre as 25 producións do Estado máis vistas no que levamos de 2019.
Fonte: Praza Pública
20 de novembro de 2019
A Asociación Álvaro das Casas deu a coñecer os galardoados dos Premios Bacelos de Prata, que recoñecen o labor de empresas que apostan polo uso do galego na etiquetaxe dos seus produtos. Nesta edición resultaron premiadas a adega Solaina Minei (Castrelo de Miño) e Queixerías Bama (Touro).
Fonte: Consello da Cultura Galega
20 de novembro de 2019
O Decreto sobre a normalización do uso institucional e administrativo das dúas linguas oficiais nas institucións locais de Euskadi recoñece e reforza a autonomía municipal para decidir, mediante ordenanza, regulamento ou plan, as directrices e os criterios de utilización, oral e escrita, de éuscaro e castelán.
Fonte: Naiz
20 de novembro de 2019
O novo programa de TV-3 El llenguado estará centrado na lingua pero con moitos toques de humor. Nel falarase sobre o catalán dunha forma distendida e pouco académica, combinando a divulgación e o entretemento.
Fonte: El Periódico
20 de novembro de 2019
A partir da primavera, Washington, capital dos EUA, albergará Word Planet, un museo interactivo dedicado á historia e a influencia das linguas e a comunicación.
Fonte: The GW Hatchet
20 de novembro de 2019
O Ministerio de Cultura do Perú informou de que no ano 2020 o país andino contará con 500 intérpretes e tradutores de linguas indíxenas acreditados para traballar en institucións públicas.
Fonte: La República
Boletín
Subscríbase ao boletín
