Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Este dicionario, que ata o momento só estaba dispoñible na súa versión impresa, contén 2484 entradas relacionadas coa comunicación empresarial que se presentan en catalán coa súa tradución en castelán e inglés e, nalgúns casos, francés.
Fonte: Generalitat de Catalunya
Aproveitando a celebración desta nova edición do Congreso da Asociación de Academias da Lingua Española, presentáronse as 1100 modificacións da 23.ª edición do Dicionario da lingua española, que inclúe 229 novos artigos, 88 novas acepcións e 284 emendas a acepcións existentes.
Fonte: Real Academia Española
Segundo datos extraídos da enquisa English Proficiency Index 2019, Portugal e Luxemburgo están entre os países do mundo onde mellor se fala inglés. Os Países Baixos ocupan o primeiro lugar nesta clasificación.
Fonte: Contacto
Acaban de darse a coñecer os nomes das persoas que integran a lista de finalistas dun dos máis importantes premios literarios en portugués, o Premio Océanos de Literatura en Lingua Portuguesa. Son tres as nacionalidades das persoas seleccionadas: o Brasil, Portugal e Angola.
Fonte: Diário do Nordeste
O secretario xeral de Política Lingüística da Xunta, Valentín García, participou en Bruxelas no Seminario sobre educación Tecnoloxías Dixitais, Modelos Lingüísticos e Integración Inmigrante incluído nos actos do Comité Executivo da Rede Europea para a Promoción da Diversidade Lingüística (NPLD, nas súas siglas en inglés) que acolle estes días a sede da Fundación Galicia Europa e no que a Xunta de Galicia participa en calidade de membro de pleno dereito.
Cinco concellos adheridos á Rede de Dinamización Lingüística (RDL) acollerán esta fin de semana actividades do programa FalaRedes, desenvolvido pola Consellería de Cultura e Turismo, a través da Secretaría Xeral de Política Lingüística, e da campaña “Nós contra a violencia”.
Fonte: Xunta de Galicia
Esta iniciativa emparella participantes para que poidan axudarse na aprendizaxe do catalán a través de reunións periódicas para conversar, realizar actividades de ocio e outras que poidan ser do seu interese.
Fonte: El Periódico
Portugalete, Santurtzi e Sestao puxeron en marcha esta iniciativa que busca dar a coñecer o nome dos peixes en éuscaro a través de diversos carteis informativos, e invitar así a cidadanía a empregar o idioma no seu día a día.
Fonte: En Portugalete
O secretario xeral de Política Lingüística, Valentín García, e o secretario xeral da Emigración, Antonio Rodríguez Miranda, acompañaron o investigador cubano Julio César González Pagés, profesor da Universidade da Habana, na presentación da obra Galegas en Cuba.
Fonte: O Portal da Lingua Galega
A Academia das Artes e das Ciencias Cinematográficas dos premios Óscar descualificou o filme nixeriano Lionheart da loita polo galardón á mellor película estranxeira por estar rodado maioritariamente en inglés.
Fonte: CNBC
Subscríbase ao boletín
