A Academia Romanesa das Ciencias criticou as declaracións do presidente da República Moldova, Igor Dodon, que afirmaban que o seu país tiña a súa propia lingua, o moldovo.
Fonte: Balkan Insight
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de febreiro de 2020
03 de febreiro de 2020
O Concello de Bilbao organiza o programa 'Ikusi eta Ikasi' que, a través de actividades gratuítas, impulsará ao longo do mes de febreiro o lecer en éuscaro. Teatro, circo, maxia, música, danza ou obradoiros son algunhas das alternativas das que poderán gozar as nenas e os nenos de 4 a 10 anos.
Fonte: La Vanguardia
03 de febreiro de 2020
Ata o 23 de febreiro permanecerá aberto o prazo para que a cidadanía poida presentar “o tuit que lle gustaría ler en 2020”. Os tuits deberán estar en éuscaro, non sobrepasar os 140 caracteres e levar o cancelo #EibarTxioLehiaketa.
Fonte: Noticias de Gipuzkoa
03 de febreiro de 2020
Despois de anos de reclamacións dos colectivos en defensa da lingua, Ikea incorpora o galego entre os idiomas dispoñibles na súa páxina web. Ata agora era a única lingua cooficial ausente tanto na web como na atención á clientela.
Fonte: Nós Diario
03 de febreiro de 2020
A Universidade de Vigo converteuse na primeira institución pública en contar cunha aplicación de atención á comunidade universitaria, principalmente ao alumnado, baseada en intelixencia artificial e comprensión e procesamento de linguaxe natural en galego.
Fonte: Universidade de Vigo
03 de febreiro de 2020
O presidente do Instituto Camões, Luís Faro Ramos, presentou o programa de apoio da lingua portuguesa no ensino público de Santo Tomé e Príncipe que contará cun orzamento de tres millóns de euros.
Fonte: A Bola
31 de xaneiro de 2020
O Consello de ministros e ministras italiano aprobou unha proposta de lei para que o día 25 de marzo sexa constituído como Día Nacional de Dante Alighieri, poeta da Divina Comedia.
Fonte: La Repubblica
31 de xaneiro de 2020
Rusia permitirá que os e as nacionais de Ucraína e Belarús poidan optar á nacionalidade rusa sen a obrigatoriedade de demostrar as súas competencias lingüísticas en ruso.
Fonte: BELSAT
31 de xaneiro de 2020
Unha reunión entre a alcaldesa da cidade brasileira de Pelotas, no estado de Río Grande do Sur, Paula Mascarenhas, e o cónsul xeral de Alemaña no Brasil, Thomas Schimitt, serviu para reforzar os proxectos de ensino da lingua alemá na cidade. Nestes momentos está operativo un proxecto piloto que permitirá introducir o ensino da lingua de Goethe nas escolas públicas da cidade en horario extraescolar.
Fonte: Jornal de Comércio
31 de xaneiro de 2020
Ata o 10 de febreiro está aberto o prazo para votar os semifinalistas dos XII Premios MIN da Música Independente, entre os que se atopan quince propostas de diferentes estilos que optan ao mellor álbum en galego.
Fonte: Culturagalega
Boletín
Subscríbase ao boletín
