O Ministerio de Cultura do Perú anunciou que un novo programa de radio comezará a emitirse en lingua quechua en todo o Perú e nas provincias quechuafalantes de Arxentina.
Fonte: Sputnik
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de novembro de 2019
A nova campaña de promoción do valenciano posta en marcha polo Concello de Castelló ten como lema 'I avant' e o seu obxectivo é promover o uso desta lingua a través de actos e obxectos cotiáns.
Fonte: Castelló Extra
06 de novembro de 2019
O concurso Xixón Fala en 3, organizado polo Concello, busca promover o asturiano entre a cidadanía para o que as persoas participantes deben defender un tema determinado nesta lingua durante tres minutos empregando un rexistro culto.
Fonte: Asturies.com
06 de novembro de 2019
O Concello ponteareán, co obxectivo de distinguir as empresas do municipio que usan o galego como lingua habitual, convocou o premio "Ponteareas, Lingua e Empresa". Resultaron gañadoras da primeira edición deste galardón Cárnicas Fontefría, Die Gabinete Técnico e Máis Vida.
Fonte: Faro de Vigo
06 de novembro de 2019
O secretario xeral de Política Lingüística, Valentín García, e o alcalde, Jorge Cubela, visitaron no Edificio Multiúsos de Cotobade a mostra “Os nove anos de Fraguas en Lugo”.
Fonte: O Portal da Lingua Galega
06 de novembro de 2019
O secretario xeral de Política Lingüística, Valentín García, asistiu á conferencia "40 anos de políticas lingüísticas no Quebec. 1977-2017" que impartiu o profesor François Vaillancourt.
Fonte: O Portal da Lingua Galega
05 de novembro de 2019
Como cada 5 de novembro, o Brasil celebra o Día Nacional da Lingua Portuguesa que rende homenaxe á lingua de Camões e ao escritor Rui Barbosa.
Fonte: Diário do Litoral
05 de novembro de 2019
Con motivo do Día Mundial da Lingua Romaní, a secretaria xeral do Consello de Europa, Marija Pejčinović Burić, instou os estados membros da organización a protexer e promover o idioma do pobo xitano.
Fonte: Council of Europe
05 de novembro de 2019
A Consellería de Educación do Goberno de Navarra e a AEK asinaron o contrato do programa educativo Solaskide por valor de 98 280 euros para fomentar a capacidade oral en éuscaro do alumnado a través de actividades de reforzo da expresión.
Fonte: Navarra.es
05 de novembro de 2019
O Concello de Eivisa e o Instituto de Estudos Eivisencos renovan o programa de voluntariado lingüístico municipal co obxectivo de aumentar o uso social do catalán e crear un marco no que as persoas que non o falan poidan practicalo.
Fonte: Sóller
Boletín
Subscríbase ao boletín
