Un estudo realizado polo sitio web de contratación Indeed revelou que o coñecemento dunha lingua estranxeira segue estando de moda nas ofertas de emprego que se publican no Reino Unido.
Fonte: The Economist
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
17 de setembro de 2019
17 de setembro de 2019
O Consello Insular de Menorca repartirá 40 000 euros en axudas para a promoción do uso do catalán nos ámbitos empresarial, asociativo, deportivo e editorial.
Fonte: Setmanari Soller
17 de setembro de 2019
O Concello de Ferrol ofrecerá este outono varias actividades no marco do programa Apego, unha iniciativa que ten como obxectivo impulsar a transmisión familiar da lingua galega.
Fonte: Galicia Ártabra
17 de setembro de 2019
Segundo un estudo elaborado por Soziolinguistika Klusterra sobre os resultados do proxecto Euskaraldia, as persoas que participaron na primeira edición incrementaron o seu uso do éuscaro máis dun 20 % ao longo dos días que durou a iniciativa e un 5,6 % nos tres meses posteriores.
Fonte: Noticias de Guipuzkoa
17 de setembro de 2019
O secretario xeral de Política Lingüística, Valentín García, participou no Paraninfo da Universidade de Santiago de Compostela (USC) no acto de entrega do II Premio Luís Porteiro Garea ao catedrático emérito de Dereito Mercantil Xosé Antón Gómez Segade, pola súa promoción do uso do galego na universidade compostelá.
Fonte: O Portal da Lingua Galega
16 de setembro de 2019
Con esta iniciativa quérese promover o uso do éuscaro en Youtube entre mozos e mozas. O curso inclúe dous obradoiros nos que se ensinarán os pasos básicos para a creación dunha conta e a edición dos primeiros vídeos.
Fonte: Cadena Ser
16 de setembro de 2019
A través desta consulta pública coñecerase a opinión da cidadanía sobre a posible modificación da ordenanza que regula a utilización e o fomento do éuscaro no ámbito do consistorio e o seu sector público.
Fonte: Noticias de Navarra
16 de setembro de 2019
Responsables do Agrupamento de Escolas de Miranda do Douro demandaron ao Goberno de Portugal que axude na elaboración e publicación de manuais pedagóxicos para o ensino da lingua mirandesa, segundo idioma oficial de Portugal.
Fonte: Público
16 de setembro de 2019
A proximidade coa fronteira, a posibilidade de aprender e desenvolver a lingua portuguesa e a flexibilidade no horario levan a familias galegas do Baixo Miño a escolarizar os seus fillos e fillas en centros de infantil de vilas portuguesas como Vila Nova de Cerveira.
Fonte: Diário de Notícias
13 de setembro de 2019
PuntoGal organizou esta reunión de dominios culturais, lingüísticos e xeográficos agrupados en Geotlds, unha organización internacional que representa os intereses dos dominios de primeiro nivel que identifican a unha cidade, rexión, lingua ou cultura.
Fonte: PuntoGal
Boletín
Subscríbase ao boletín
