Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Con motivo do cuarto aniversario do falecemento de Xosé Neira Vilas, ocorrido o 27 de novembro de 2015, o cemiterio parroquial de Gres, no que repousa, acolleu unha ofrenda na que participou o secretario xeral de Política Lingüística da Xunta, Valentín García.
Fonte: O Portal da Lingua Galega
Representantes das comunidades indíxenas e do Goberno de Panamá reuníronse para aprobar medidas que axuden a protexer a riqueza lingüística das sete etnias do país.
Fonte: Prensa Latina
O ministro de Asuntos Exteriores de Portugal, Augusto Santos Silva, cualificou a oficialización do Día Mundial da Lingua Portuguesa por parte da UNESCO como unha gran vitoria para todos os países lusófonos. O mandatario espera que esta efeméride traia consigo maior promoción da lingua e literatura en portugués.
Fonte: RTP Notícias
Este censo, creado no 2002 coa intención de agrupar os distintos organismos que traballan en prol da lingua catalá, incorporou este ano 36 novas entidades, polo que conta na actualidade cun total de 242.
Fonte: Generalitat de Catalunya
Os partidos do actual goberno de Oviedo eliminaron as partidas orzamentarias que deberían dedicarse ao asturiano en 2020: a relativa a unha oferta pública de emprego como coordinador/a en lingua asturiana e a destinada a subvencionar a Academia da Lingua Asturiana.
Fonte: Asturies.com
A corporación de Nigrán aprobou por unanimidade a primeira ordenanza de normalización lingüística do Concello, que impulsará o uso do galego na actividade municipal e a adopción de medidas que eviten a discriminación por razón de lingua.
Fonte: ValMiñorTV
O secretario xeral de Política Lingüística, Valentín García, acompañou a Xoán Carlos García Porral na presentación da obra As tres mouras da Fonte Lantana.
Fonte: O Portal da Lingua Galega
A Organización das Nacións Unidas para a Educación, a Ciencia e a Cultura (Unesco) ratificou a decisión que proclama o 5 de maio como o Día Mundial da Lingua Portuguesa.
Fonte: Jornal Económico
A organización de patrimonio británica National Trust e investigadores da Universidade de Bangor e do Trinity College de Dublín están traballando na instalación dun novo sistema de calefacción alimentado con enerxía hidráulica na casa natal de William Morgan, autor da súa famosa biblia do século XVI, obra capital para a supervivencia da lingua galesa.
Fonte: The Guardian
As principais modificacións que introduce, consideradas nalgúns casos discriminatorias, supoñen a eliminación da valoración do coñecemento do éuscaro como mérito para os postos sen perfil bilingüe e a supresión, de facto, do bilingüismo na publicidade institucional así como na rotulación das placas das rúas e similares.
Fonte: Noticias de Navarra
Subscríbase ao boletín
