Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Concello de Viveiro convoca a segunda edición do Premio de Novela Vilar Ponte, un certame que ten como obxectivos homenaxear os escritores Antón e Ramón Vilar Ponte e, ao mesmo tempo, apoiar e difundir a literatura feita en lingua galega.
Fonte: La Voz de Galicia
Esta campaña, que chegará tamén ao comercio e á hostalería local, convida as persoas que pasan polo centro da vila a empregar o éuscaro de maneira cotiá a través de sete ilustracións con mensaxes nesta lingua.
Fonte: Deia
A Deputación Foral de Biscaia aprobou esta axuda destinada á entidade organizadora do evento literario e musical en éuscaro, que se celebrará no vindeiro mes de decembro.
Fonte: Deia
Ante a chegada do novo curso, asociacións e familias mostran a súa preocupación ante os previsibles problemas que se poidan atopar nas escolas de inmersión en lingua rexional, como a falta de profesorado para cubrir toda a demanda, por exemplo, nas ikastolas.
Fonte: Le Monde
Este protocolo permitirá, a partir deste ano, desenvolver un novo programa, o PRO-Português, de formación en lingua portuguesa para unha media anual de 4300 profesores timorenses tendo en conta as necesidades e as prioridades do país.
Fonte: Revista Port.com
Este certame ten como obxectivo promover e apoiar as entidades e creadores que difunden a cultura e a arte na comunidade e conta cunha dotación de 12 000 euros. O prazo de recepción das obras remata o 5 de decembro.
Fonte: Noticias de Guipuzkoa
"Proxectarte" é unha iniciativa organizada polo Concello de Ribadavia que consiste na realización de obradoiros e intervencións artísticas en lingua galega que teñen como obxectivo incentivar a creatividade entre a xente nova.
Fonte: Faro de Vigo
Segundo o Instituto Nacional de Linguas Indíxenas, en México fálanse 68 linguas pertencentes a once familias lingüísticas e das que derivan 364 variantes. Máis de seis millóns de persoas falan algunha delas, das cales o 18,5 % é de Chiapas, unha das zonas con maior diversidade lingüística do país.
Fonte: NVI Noticias
O valor total das subvencións ascende a 39 183 euros, destinadas a promover o catalán na produción de libros, música e audiovisual; para fomentar a presenza desta lingua en empresas e no deporte; e para apoiar, en xeral, actividades de dinamización lingüística.
Fonte: Sóller
O novo servizo de dinamización para o coñecemento e uso do catalán estará dotado para a súa posta en funcionamento de 85 000 euros, cos que se organizarán distintas iniciativas de normalización lingüística.
Fonte: Diario de Mallorca
Subscríbase ao boletín
