A institución do Justicia de Aragón pide que se cumpra a lexislación vixente e que nos centros onde contan coa materia de aragonés se impartan os 90 minutos á semana que establece o currículo autonómico.
Fonte: El Diario
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
13 de agosto de 2019
12 de agosto de 2019
Responsables do ministerio de Educación de Irlanda informaron de que a partir do próximo ano lectivo se aplicarán novas medidas para a exención do estudo da materia de lingua irlandesa nas escolas.
Fonte: Irish Mirror
12 de agosto de 2019
Con motivo do Día Internacional dos Pobos Indíxenas, o secretario xeral da ONU, António Guterres, lembrou da necesidade urxente de preservar e promover as linguas indíxenas para salvalas da extinción.
Fonte: UN News
12 de agosto de 2019
O Concello de Eskoriatza subvencionará cursos de cursos de éuscaro a persoas empadroadas neste municipio. As cantidades das axudas dependerán da solicitude e poderán chegar ata o 100 % da matrícula.
Fonte: Diario Vasco
12 de agosto de 2019
A Comisión para as Políticas Integrais da Discapacidade do Congreso apoiou por unanimidade unha proposición non de lei pola que se insta o Goberno a incorporar a lingua de signos no sistema educativo.
Fonte: La Mar de Onuba
09 de agosto de 2019
Con motivo da celebración da Xornada Internacional dos Pobos Autóctonos pola Unesco, fundouse na cidade francesa de Rodez o Colectivo de Teatros en Linguas Autóctonas co obxectivo de promover a obra teatral nos idiomas rexionais de Francia.
Fonte: Jornalet
09 de agosto de 2019
Usuarios e usuarias de Google Earth poden escoitar falantes de máis de 50 idiomas nativos de todo o mundo grazas ao proxecto "Celebrating Indigenous Languages" lanzado co gallo do Ano Internacional das Linguas Indíxenas das Nacións Unidas.
Fonte: CBC
09 de agosto de 2019
A Deputación da Coruña apoiará a distribución na provincia de setes filmes en lingua galega cunha nova liña de axudas. Os títulos que se beneficiarán desta convocatoria son O que arde, de Oliver Laxe; Hamada, de Eloy Domínguez; Arima, de Jaione Camborda; Longa noite, de Eloy Enciso, 7 Limbos, de Berio Molina e Alexandre Cancelo; A portuguesa, de Rita Azevedo; e Tempo Vertical, de Lois Patiño.
09 de agosto de 2019
Estas axudas, que xestiona o servizo de política lingüística do Concello de Elgoibar, cubrirán o 50 % do custo que supón ter en éuscaro os rótulos identificativos dos establecementos comerciais e hostaleiros da cidade.
Fonte: Diario Vasco
09 de agosto de 2019
A Organización das Nacións Unidas para a Educación, a Ciencia e a Cultura (Unesco) declarou nun informe que Bolivia presenta unha taxa de analfabetismo inferior ao 4 % polo que pasa a estar considerado como país alfabetizado grazas a un método que seguiron anteriormente países como Cuba e Venezuela.
Fonte: Buen Diario
Boletín
Subscríbase ao boletín
