A Concellaría de Normalización Lingüística organiza un ano máis o Curso de improvisación oral en verso e o Curso de narración oral, que se desenvolverán entre os meses de outubro de 2019 e maio de 2020.
Fonte: Concello de Vigo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de agosto de 2019
06 de agosto de 2019
A Coordinadora de Traballadores/as de Normalización da Lingua publicou a relación de proxectos de dinamización lingüística gañadores da primeira edición dos Premios Mil Primaveras, uns galardóns que teñen como obxectivo recoñecer iniciativas de fomento do galego.
Fonte: Consello da Cultura Galega
06 de agosto de 2019
O festival Viñetas desde o Atlántico foi o escenario da presentación da obra O tempo cronolóxico, libro ilustrado por Xulia Vicente co que A Mesa pola Normalización Lingüística quere dar a coñecer entre a cativada o nome en galego das principais unidades de medida temporal.
06 de agosto de 2019
Dirixido a autores e autoras noveis, este concurso conta con tres modalidades: poesía, narración e bertso-paperak, que repartirán ata tres premios cada unha.
Fonte: Diario de Navarra
05 de agosto de 2019
A comunidade portuguesa residente en Alemaña pedirá ao presidente da República de Portugal, Marcelo Rebelo de Sousa, que o goberno portugués reforce o ensino da lingua portuguesa para que as novas xeracións manteñan o vínculo con Portugal.
Fonte: País ao Minuto
05 de agosto de 2019
O municipio brasileiro de São Félix do Araguaia, no estado de Mato Grosso, acollerase á lei 3074/19 para aprobar a cooficialización das linguas indíxenas faladas polas etnias que habitan este territorio.
Fonte: Câmara dos Deputados
05 de agosto de 2019
A Xunta e a Federación de Persoas Xordas de Galicia asinaron un convenio de colaboración grazas ao cal as mulleres vítimas de violencia de xénero contarán cun servizo de intérpretes en lingua de signos dende o momento de presentación da denuncia.
Fonte: Xunta de Galicia
05 de agosto de 2019
A última modificación dos plans de estudos de Maxisterio de Educación Infantil e Primaria inclúe a autorización da mención en lingua aragonesa para ambos os graos, que serán impartidos na Facultade de Educación de Huesca.
Fonte: Lenguas de Aragón
05 de agosto de 2019
Un total de 470 estudantes de 4º da ESO participa durante quince días no Centro Residencial Docente de Vigo nas estancias de inmersión lingüística, unha iniciativa impulsada pola Consellería de Educación que combina actividades académicas con outras de lecer.
Fonte: Atlántico
02 de agosto de 2019
A cidade portuguesa de Gaia acolle o Foro Internacional de Gaia (FIGaia) que ten como obxectivo a promoción do desenvolvemento sustentable e a lingua portuguesa.
Fonte: Público
Boletín
Subscríbase ao boletín
