Dada a popularidade actual polas producións audiovisuais e a música feitas en coreano, o interese por esta lingua asiática medrou de xeito claro nos últimos anos en países de Oriente Medio como Arabia Saudita.
Fonte: Arab News
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de agosto de 2019
O Concello de Fornelos de Montes e a Asociación de Veciños O Cruceiro da Laxe convocan a VIII edición do Premio de Poesía Manuel Lueiro Rey, ao que poderán presentarse poemas inéditos escritos en lingua galega, cunha extensión de entre 500 e 800 versos.
02 de agosto de 2019
O premio de tradución Plácido Castro recaeu este ano, na súa 18ª edición, no traballo de Antía Veres, a versión en galego da obra A Lost Lady da norteamericana Willa Cather. Deste xeito, por vez primeira, unha obra desta autora poderá lerse en lingua galega.
Fonte: Faro de Vigo
02 de agosto de 2019
O posto de Iniciativa polo Asturiano contará este ano coa presenza de 14 empresas, o que supón o dobre de participación respecto ao ano anterior. Todas elas empregan o asturiano para a promoción dos seus produtos e aproveitarán a magnitude deste evento, polo que se espera pasen máis de 700 000 persoas, para dalos a coñecer.
Fonte: Asturies.com
02 de agosto de 2019
A importância de chamar-se António é o título da peza coa que Xacobe García gañou o I Premio Platta de Teatro Breve – Portugal, un texto que se editará en galego, castelán e portugués no marco da Plataforma Transfronteiriza de Teatro Amador.
Fonte: Cultura Galega
01 de agosto de 2019
O secretario xeral de Política Lingüística, Valentín García, participou no acto de entrega de premios da VIII edición do Certame de Microrrelatos de Feiraco, que convoca Cooperativas Lácteas Unidas (CLUN) en colaboración coa Consellería de Cultura e Turismo no marco da programación institucional Letras Galegas.
Fonte: O Portal da Lingua Galega
01 de agosto de 2019
O número de estudantes que cursa lingua inglesa no último ano do bacharelato do Reino Unido caeu 8,4 puntos desde 2001 a pesar de ser unha das materias máis escollidas polo alumnado.
Fonte: The Telegraph
01 de agosto de 2019
O ministro de Educación Superior de Suráfrica, Blade Nzimande, defendeu a promoción e desenvolvemento de todas as linguas africanas e da lingua de signos no ensino universitario.
Fonte: Sowetan Life
01 de agosto de 2019
A Wikipedia en asturiano foi inaugurada en 2004, e rapidamente acadou o posto número 84 en importancia. Actualmente, atópase no posto 63, co que se sitúa como unha das linguas minorizadas con maior presenza nesta enciclopedia libre.
Fonte: Asturies.com
01 de agosto de 2019
A axencia Aire Traducciones detecta que cada vez máis empresas e persoas particulares demandan un servizo de tradución do galego a outras linguas do mundo e sinala que as combinacións galego-inglés e inglés-galego son as máis solicitadas.
Fonte: Stick
Boletín
Subscríbase ao boletín
