Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Concello ponteareán, co obxectivo de distinguir as empresas do municipio que usan o galego como lingua habitual, convocou o premio "Ponteareas, Lingua e Empresa". Resultaron gañadoras da primeira edición deste galardón Cárnicas Fontefría, Die Gabinete Técnico e Máis Vida.
Fonte: Faro de Vigo
O secretario xeral de Política Lingüística, Valentín García, e o alcalde, Jorge Cubela, visitaron no Edificio Multiúsos de Cotobade a mostra “Os nove anos de Fraguas en Lugo”.
Fonte: O Portal da Lingua Galega
O secretario xeral de Política Lingüística, Valentín García, asistiu á conferencia "40 anos de políticas lingüísticas no Quebec. 1977-2017" que impartiu o profesor François Vaillancourt.
Fonte: O Portal da Lingua Galega
Como cada 5 de novembro, o Brasil celebra o Día Nacional da Lingua Portuguesa que rende homenaxe á lingua de Camões e ao escritor Rui Barbosa.
Fonte: Diário do Litoral
Con motivo do Día Mundial da Lingua Romaní, a secretaria xeral do Consello de Europa, Marija Pejčinović Burić, instou os estados membros da organización a protexer e promover o idioma do pobo xitano.
Fonte: Council of Europe
A Consellería de Educación do Goberno de Navarra e a AEK asinaron o contrato do programa educativo Solaskide por valor de 98 280 euros para fomentar a capacidade oral en éuscaro do alumnado a través de actividades de reforzo da expresión.
Fonte: Navarra.es
O Concello de Eivisa e o Instituto de Estudos Eivisencos renovan o programa de voluntariado lingüístico municipal co obxectivo de aumentar o uso social do catalán e crear un marco no que as persoas que non o falan poidan practicalo.
Fonte: Sóller
Os Premios á calidade lingüística nos traballos fin de grao (TFG) e fin de mestrado (TFM), impulsados polo Servizo de Normalización Lingüística da Universidade de Santiago, buscan fomentar entre o alumnado a cultura da calidade ligada ao uso do galego.
Colectivos de profesorado procedentes de toda Francia manifestaranse en París o vindeiro 30 de novembro para demandar o ensino das linguas rexionais francesas.
Fonte: Jornalet
O ministro das Zonas de Fala Irlandesa ou Gaeltacht da República de Irlanda, Seán Kyne, anunciou unha campaña que garantirá que máis produtos e servizos de novas tecnoloxías estean dispoñibles en gaélico.
Fonte: Midwest Radio
Subscríbase ao boletín
