O acto de entrega de diplomas puxo fin á XXXII edición dos cursos de lingua e cultura galegas "Galego sen fronteiras", unha iniciativa de inmersión en galego coorganizada pola Real Academia Galega e o Instituto da Lingua Galega da Universidade de Santiago de Compostela.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de xullo de 2019
24 de xullo de 2019
A Dirección Xeral de Política Lingüística de Cataluña apoiará a campaña "Non me cambies a lingua" coa que se pretende que os falantes de catalán manteñan a lingua catalá en conversas con persoas que non saben se falan catalán.
Fonte: Generalitat de Catalunya
24 de xullo de 2019
Co obxectivo de preservar os dereitos lingüísticos dos cidadáns e cidadás de Cataluña, o Departamento de Cultura da Generalitat de Cataluña incorpora agora a versión do seu sitio web en aranés, inglés e castelán. Esta acción, que supón a tradución de máis de 300 páxinas web, forma parte do proceso de incorporación progresiva do aranés ao ámbito institucional.
Fonte: Generalitat de Catalunya
24 de xullo de 2019
O dramaturgo, director e narrador escénico Quico Cadaval abordou a historia do teatro no relatorio que lle impartiu ao alumnado dos cursos de lingua e cultura galegas "Galego sen fronteiras".
Fonte: RAG
24 de xullo de 2019
Un total de 27 alumnos e alumnas de diferentes nacionalidades están en Vigo para aprender ou perfeccionar o seu español nos cursos intensivos que se ofrecen no Centro de Linguas da Universidade de Vigo.
Fonte. DUVI
23 de xullo de 2019
A traballadora do servizo administrativo do centro de saúde de Beniparrell dependente da Consellería de Educación esixiu ao interesado que se comunicase en castelán alegando que non entendía o valenciano.
Fonte: Valencia Extra
23 de xullo de 2019
Un total 3 674 persoas presentáronse aos exames de catalán para obter o certificado oficial da Dirección Xeral de Política Lingüística, o que supón o 70,76 % das persoas que se inscribiron nas probas. O número de inscritos incrementouse un 12 % respecto ao ano anterior.
Fonte: Generalitat de Catalunya
22 de xullo de 2019
A Festa da Palabra do Carballiño acollerá a entrega dos premios Ínsua dos Poetas nas seguintes sete categorías: creación literaria, artes plásticas, acción social, lingua e cultura galegas, iniciativa empresarial, imaxe e audiovisual e medios de comunicación. Fonte: Cultura Galega
22 de xullo de 2019
A Mesa pola Normalización Lingüística publicou un libro que recolle a conferencia Situaçom presente e orientaçom futura dos problemas gerais da nossa língua que o homenaxeado das Letras Galegas de 2020, Ricardo Carvalho Calero, pronunciou no acto fundacional da formación.
22 de xullo de 2019
"O galego campa!", o programa da Secretaría Xeral de Políltica Lingüística e da Dirección Xeral de Xuventude, Participación e Voluntariado destinado a favorecer o uso do galego nos campamentos de verán entre a mocidade, chega a 22 campamentos de verán de titularidade da Xunta de Galicia.
Fonte: O Portal da Lingua Galega
Boletín
Subscríbase ao boletín
