Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Revista de Llengua i Dret, editada pola Escola de Administración Pública de Cataluña, organizará a xornada "40 anos de lexislación lingüística" que analizará o pasado, presente e futuro das normas en materia lingüistica de Cataluña.
Fonte: Generalitat de Catalunya
O secretario xeral de Política Lingüística, Valentín García, participou no acto de clausura da mostra conmemorativa do 10º aniversario do Seminario de Estudos Locais (SEL) de Sanxenxo, que se exhibe na sala de exposicións de Nauta no Porto Deportivo.
Fonte: O Portal da Lingua Galega
Un grupo de investigación da Universidade Carlos III de Madrid conseguiu que un humanoide chamado TEO poida comunicarse en lingua de signos grazas a un estudo sobre a interacción entre robots e persoas xordas.
Fonte: Noticias de la Ciencia
O director do Instituto Cervantes adiantou que o IX Congreso Internacional da Lingua Española de 2022 terá lugar na cidade peruana de Arequipa e terá como eixe temático a mestizaxe e a convivencia do español con outras linguas.
Fonte: El País
Dous informes do British Council mostran que o español se está convertendo paulatinamente na primeira lingua estranxeira no ensino medio do Reino Unido, por diante do francés e o alemán.
Fonte: El País
A directora da revista dixital Vinte analizou nos cursos de cultura e lingua galegas "Galego sen fronteiras" os desafíos que o galego está a afrontar nos medios de comunicación na era dixital.
Fonte: RAG
O Festival Noites de cinema oriental de Vic ten como obxectivo achegarnos á cultura asiática a través do cinema coa proxección de sete películas en versión orixinal subtituladas en catalán.
Fonte: Generalitat de Catalunya
O secretario xeral de Política Lingüística, Valentín García, participou no acto de entrega da Rosa de Galicia á familia de José Villar Granjel e á Coral Padronesa, no marco do Festival Abride a Fiestra 2019 que se desenvolveu na Casa de Rosalía.
Fonte: O Portal da Lingua Galega
A directora da Sección de Lingua da Real Academia Galega, Rosario Álvarez, participou na xornada sobre as gramáticas no século XXI organizada por Euskaltzaindia na cidade de Donosita.
Fonte: RAG
A Dirección Xeral de Política Lingüística e o Consorcio pola Normalización Lingüística de Cataluña organizan a terceira edición dos obradorios "Doblem en català?" ("Dobramos en catalán?) que promoven a dobraxe en catalán por medio da tradución de secuencias de clásicos.
Fonte: Generalitat de Catalunya
Subscríbase ao boletín
