Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O FalaRedes, programa de dinamización lingüística da Consellería de Cultura e Turismo en entidades adscritas á Rede de Dinamización Lingüística (RDL), leva as súas actividades aos concellos coruñeses de Ordes e Laxe e ao lucense de Triacastela durante a fin de semana.
Fonte: O Portal da Lingua Galega
Esta entidade porá a disposición da comunidade educativa da Universidade de Valencia unha caixa para que inclúan suxestións e propostas de mellora sobre o valenciano, co obxectivo de asegurar o respecto aos dereitos lingüísticos de toda a comunidade universitaria.
Fonte: València Extra
O Concello de Narón, no marco do proxecto Apego, organiza varias actividades que teñen como obxectivo a socialización dos nenos e as nenas en lingua galega.
Fonte: La Voz de Galicia
Este proxecto do Goberno Vasco ten capacidade para traducir, a partir da intelixencia artificial, textos de ata 4000 caracteres con gran calidade e permite dispor dunha base terminolóxica e lingüística comparable á das linguas máis usadas do mundo.
Fonte: La Vanguardia
O lingüista e tradutor Marco Neves, profesor na Universidade Nova de Lisboa, foi entrevistado polo xornalista portugués Fernando Alves no programa de difusión electrónica "A Rede Social" sobre o asunto das similitudes entre o galego e o portugués.
Fonte: TSF
A asociación de apoio ao gaélico escocés Bòrd na Gàidhlig lanzou unha campaña con motivo da Festa Nacional da Literatura e a Lingua Gaélicas en Escocia para promocionar o uso do gaélico entre os falantes e persoas que aprenden o idioma.
Fonte: The Press and Journal
Esta campaña, que se leva facendo desde hai seis anos, busca promover o uso do éuscaro na zona media e sur de Navarra e reforzar contornos como as ikastolas e os euskaltegis.
Fonte: Noticias de Navarra
Esta iniciativa ten como obxectivo promover o éuscaro a través da música e está articulada co resto de actividades culturais do concello, que buscan achegar estes proxectos a persoas de todas as idades.
Fonte: En Barakaldo
O catálogo presentado para este curso académico inclúe diversos proxectos para fomentar a integración lingüística, entre os que se atopan os talleres de rap en catalán, cursos de teatro, exposicións ou rutas culturais.
Fonte: Mallorca Confidencial
Esta proposta suporía que as persoas aspirantes á docencia deberían acreditar o nivel C1 de valenciano e ten como obxectivo actualizar a normativa, vixente dende hai 36 anos, e adaptar o seu contido á realidade multilingüe da comunidade.
Fonte: El Periòdic
Subscríbase ao boletín
