O produtor audiovisual Antón Reixa abordou o impacto de case catro décadas de televisión e de cinema en galego no relatorio que impartiu nos cursos de lingua e cultura galegas “Galego sen fronteiras” organizados pola Real Academia Galega e o Instituto da Lingua Galega.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de xullo de 2019
09 de xullo de 2019
Diferentes expertos de educación e tecnoloxía danse cita no curso Excelecia de estudos vascos, organizado polo Instituto Vasco Extepare, para analizar o impacto dixital tanto no ensino do idioma vasco como na súa cultura.
Fonte: EITB
09 de xullo de 2019
A Enquisa de usos lingüísticos elaborada pola Dirección Xeral de Política Lingüística da Generalitat de Cataluña revelou datos moi positivos para a lingua catalá. Segundo os novos datos, un 81,2 % da poboación sabe falar catalán, un 85,5% sábeo ler e un 65,3% sábeo escribir (fronte ao 31,5 % que sabía facelo en 1981). Alén diso, un dato moi positivo referido ao uso mostra que o 70,6 % das conversas se comezan na lingua propia de Cataluña, case 3 puntos máis ca en 2013.
09 de xullo de 2019
Ante a escaseza de profesorado de gaélico, Escocia está recorrendo á provincia canadense de Nova Escocia para suplir esta falta. A rexión canadense aínda conserva unha importante comunidade de falantes desta lingua celta.
Fonte: CBC
08 de xullo de 2019
En palabras do ministro británico David Lidington, o Goberno do Reino Unido reafirma o seu apoio ao País de Gales para alcanzar o seu obxectivo do millón de falantes de galés antes de 2050. Entre outras medidas, o goberno galés apostará por expandir o ensino de inmersión na lingua vernácula.
Fonte: BBC
08 de xullo de 2019
O secretario xeral de Política Lingüística, Valentín García, participou na apertura da XIV Forxa Literaria. Encontros Culturais no Rural. Homenaxe a Xosé Vázquez Pintor, organizada pola Fundación Casa-Museo A Solaina de Piloño coa colaboración da Consellería de Cultura e Turismo.
Fonte: O Portal da Lingua Galega
08 de xullo de 2019
O Falaredes, o programa de dinamización que impulsa a Xunta de Galicia, chega a catro localidades da Rede de Dinamización Lingüística (RDL): Cerceda, A Laracha, Muros e Boqueixón.
Fonte: O Portal da Lingua Galega
08 de xullo de 2019
O secretario xeral de Política Lingüística, Valentín García, participou no nomeamento dunha nova xuíza e dous novos xuíces honorarios do Couto Mixto, lugar que considerou como “un dos símbolos de unión de galegos e portugueses, de dous pobos irmáns, na historia, na lingua e na cultura”.
Fonte: O Portal da Lingua Galega
08 de xullo de 2019
Artistas como Caetano Veloso homenaxearon a traxectoria do baiano João Gilberto que finou no Río de Xaneiro aos 88 anos de idade. Está considerado un dos mellores músicos de todos os tempos.
Fonte: Observador
08 de xullo de 2019
O ministro das Comunidades do Reino Unido, Nick Bourne anunciou que unha nova partida orzamentaria de 200 000 euros será destinada á preservación da lingua e cultura córnicas.
Fonte: Gov.uk
Boletín
Subscríbase ao boletín
