Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Un estudo realizado en Southampton, no Reino Unido, revelou que o alumnado de primaria que ten outra lingua materna diferente ao inglés tivo mellores resultados nos exames de comprensión lectora que o alumnado que só ten o inglés como primeiro idioma.
Fonte: Daily Echo
O Fórum para a Cooperación Económica e Comercial entre China e os Países de Lingua Portuguesa ou Fórum de Macau organiza a undécima edición da Semana Cultural que este ano está dedicada aos países de lingua portuguesa.
Fonte: Expresso das Ilhas
A Real Academia Galega acaba de crear unha nova páxina web na que se poden consultar publicacións editadas por esta institución dende o ano 1906. Trátate dun espazo que contén máis de 350 volumes, 200 dos cales están dispoñibles para descarga gratuíta.
O grupo docente Galiza Visual pon en marcha a iniciativa 'Outubro de tinta', inspirada na idea de Inktober (que desafía a debuxantes a crear imaxes baseadas en palabras en inglés), para fomentar o galego e unha alternativa educativa.
Por segundo ano consecutivo, o Concello de Ames pon en marcha o Premio Lingua e Empresa que ten como obxectivo recoñecer o uso e o fomento da lingua galega na actividade empresarial amesá.
Fonte: Concello de Ames
A cooficialidade do asturiano será obxecto de debate no Centro de Servizos Universitarios de Avilés, onde a Sociedade de Amigos do País organiza unha mesa redonda sobre este tema na que participarán persoas de diferentes ámbitos.
Fonte: La Nueva España
Hai máis dun ano que Fala Ceibe presentou unha queixa pola inexistencia dunha versión en galego da web do Consello Comarcal do Bierzo, que a día de hoxe segue sen existir, o que incumpre o fixado en materia lingüística no Estatuto de Autonomía de Castela e León.
Fonte: León Noticias
A Sociedade da Lingua Galesa (Cymdeithas yr Iaith Gymraeg) alertou que o desemprego e os prezos da vivenda están levando a moitos falantes novos das comunidades de lingua galesa de Gales a emigrar e isto está tendo un impacto irreparable na saúde da lingua.
Fonte: Nation Cymru
Unha nova actualización permitirá que o asistente virtual Alexa incorpore agora pares de linguas no seu sistema de asistencia vocal e ofrecer información nos fogares onde se falen dúas linguas. Polo momento, o asistente ofrece só tres pares lingüísticos: inglés-español, inglés-francés e inglés-hindi.
Fonte: Voicebot
A obra Termos esenciais de logopedia e audioloxía: galego-español-inglés contén un milleiro de conceptos destas disciplinas, clasificados por áreas temáticas e con equivalencias nestas tres linguas. Malia a significativa presenza na nosa sociedade dos dous ámbitos, ata o momento non existía ningún traballo que recollese a terminoloxía galega destes.
Subscríbase ao boletín
