O Boletín Oficial da Xunta de Andalucía publicaba na súa edición do 15 de decembro a lei que regula o uso da lingua de signos española en Andalucía. Desde agora todo o seu contido é de obrigado cumprimento.

Fonte: Diario Signo

O alumnado andaluz de Primaria e Secundaria acada en idiomas puntuacións equivalentes a notable, segundo o informe das probas de avaliación de diagnóstico correspondente ao curso 2010/2011, que incluíu por primeira vez a valoración da competencia lingüística en linguas estranxeiras.

Fonte: Ideal

O Concello de Maracena, en Granada, Cruz Vermella e a Asociación Dar el Farah (Casa da Alegría) puxeron en funcionamento clases de árabe que se dirixen, principalmente, aos máis pequenos, co obxectivo de que non esquezan a súa lingua materna e poidan empregala de forma correcta.

Fonte: La Información

O chinés mandarín comezou a impartirse de forma gratuíta este curso académico 2011/2012 coma materia optativa e en horario extraescolar en dez centros públicos andaluces.

Fonte: Andalucía Información

Canal Sur retransmitirá o Día de Andalucía os actos institucionais que conmemoran a autonomía. Todos os actos serán interpretados á lingua de signos española.

Fonte: Diario Signo

A área hospitalaria Juan Ramón Jiménez de Huelva dispón dun servizo de teletradución simultánea de linguas estranxeiras para que os usuarios de fala non hispana poidan comunicarse cos profesionais sanitarios e non sanitarios a fin de eliminar as posibles barreiras idiomáticas que se poidan producir na asistencia sanitaria.

Fonte: La Información

A Consellería de Cultura, Educación e Ordenación Universitaria, a través do secretario xeral de Política Lingüística, Valentín García, participou na XIV Xornada de Cultura Galega, organizada polo Centro de Estudos Galegos da Universidade de Granada e coordinada polo profesor lector de galego desta universidade, David Pérez González, que imparte docencia de lingua e cultura galegas nas facultades de Tradución e de Filosofía e Letras.

Fonte: Xunta de Galicia

O debate de investidura do novo presidente andaluz será emitido en directo por Canal Sur e, tal e como establece a lei, será integramente traducido á lingua de signos española por un equipo de intérpretes da Federación Andaluza de Asociacións de Persoas Xordas.

Fonte: Diario Signo

Os concelleiros e funcionarios do Concello de Motril realizarán un curso para aprender a lingua de signos co obxectivo de mellorar a comunicación co colectivo de persoas xordas do municipio.

Fonte: Granada Hoy

De catro intérpretes de lingua de signos que tiñan á súa disposición desde a Agrupación de Persoas Xordas de Almería, agora mesmo só teñen unha persoa encargada do servizo e, ademais, só de luns a venres.

Fonte: El Almería