Andalucía
A Universidade de Granada impulsa a creación dun centro de ensino de lingua española en Marrocos
Un convenio de colaboración vai impulsar a creación, na Universidade Mohamed I de Oujda, dun centro de ensino de lingua e cultura españolas, que estará tutelado pola Universidade de Granada con apoio do Instituto Cervantes.
Fonte: Granada Hoy
Canal Sur 2 emitirá todo o seu contido de forma accesible a través de subtítulos e lingua de signos
Canal Sur 2 emitirá, a partir de outubro, simplemente os contidos da primeira canle en lugar da súa propia programación, pero con subtitulación, lingua de signos e audiodescripción no caso das películas.
Fonte: Telecinco
Aumenta o uso da lingua de signos nos servizos públicos de Andalucía
A conselleira de Saúde e Benestar Social, María Jesús Montero, manifestou que Andalucía está incrementando o uso da lingua de signos nos servizos públicos para mellorar a accesibilidade das persoas con discapacidade.
Fonte: Ideal
O número de alumnos matriculados en lingua chinesa en Andalucía aumenta un 20 %
O número de alumnos matriculados en lingua chinesa na comunidade autónoma andaluza incrementouse entre un 15 e un 20 por cento respecto ao curso pasado no que, por primeira vez, se ofertou esta materia en horario extraescolar, nun total de 10 centros públicos de primaria e secundaria.
Fonte: Ideal
A lingua de signos incorpórase ás materias dun instituto en Xerez
Unha trintena de alumnos do ciclo de Integración Social do instituto Santa Isabel de Hungría completaron o curso de sensibilización e achegamento á lingua de signos española, formación que se enmarca na materia Alternativas da Comunicación.
Fonte: Diario de Jerez
Policías, bombeiros e Protección Civil de Sevilla aprenden a lingua de signos para atender a persoas xordas
O Plan de Formación da Escola de Seguridade Pública de Andalucía de 2013, dirixido a policías locais, bombeiros e membros de servizos de emerxencias e Protección Civil, inclúe cursos de introdución á lingua de signos española para que poidan atender adecuadamente a persoas xordas ou con discapacidade auditiva cando foron vítimas de violencia de xénero ou de agresións ou se sufriron lesións nun sinistro.
Fonte: ABC
Poñen en marcha en Andalucía unha comunidade virtual para formarse en lingua de signos
Os alumnos do taller de emprego ‘Especialista en Lingua de Signos e Web 2.0’ crearán a primeira comunidade virtual dirixida a usuarios de lingua de signos, unha plataforma que facilitará o ensino na modalidade a distancia e na que poderán participar tanto persoas xordas interesadas en formarse coma docentes desta lingua e oíntes que queiran practicala.
Fonte: Granada Hoy
Os recortes en subvencións para intérpretes de lingua de signos en Andalucía ameazan con marxinar as persoas xordas
As asociacións de persoas xordas denuncian que nos últimos meses viron reducidas as achegas públicas para a contratación dos intérpretes de lingua de signos que acompañan os xordos en tarefas cotiás como a consulta do médico ou unha visita ao banco.
Fonte: Voz Populi
Deseñan en Córdoba un sistema de tradución automático a lingua de signos con vídeos en 3D
A empresa cordobesa Signlab desenvolveu o proxecto TextoSIGN, que se centra na tradución e interpretación de textos a lingua de signos mediante a xeración de vídeos cun avatar animado en 3D.
Fonte: Tendencias 21
Asociacións de persoas xordas consideran que Canal Sur «despreza» a lingua de signos
Critican que a canle «colocou diante das cámaras un novo equipo de intérpretes que utilizan mal a lingua de signos».
Fonte: ABC
Boletín
Subscríbase ao boletín
