Andalucía
A Universidade de Cádiz crea un observatorio que analizará a variedade e a riqueza do español falado en Andalucía
O Observatorio de las Hablas Andaluzas é un proxecto no que traballarán varias universidades de Andalucía que servirá para divulgar e poñer en valor o español falado nesta comunidade, así como para desterrar estereotipos e tópicos.
Fonte: La Voz de Cádiz
Preséntase un proxecto para dar a coñecer en lingua de signos os municipios de Granada
A Agrupación de Persoas Xordas de Granada e Provincia (Asogra), en colaboración coa Deputación de Granada, desenvolveron un proxecto en lingua de signos para ofrecer información cultural e turística dos municipios da provincia para que esta se converta nun referente en materia de accesibilidade para as persoas deste colectivo.
Fonte: Granada es Noticia
O portugués gaña presenza como segunda lingua estranxeira nos centros educativos andaluces
Grazas ao acordo entre a Junta de Andalucía e o Instituto Camões, os centros educativos de Infantil e Primara desta comunidade poderán ofertar, por primeira vez no seu currículo, a lingua portuguesa como materia optativa.
Fonte: El Trapezio
O proxecto Lingua e prensa da Universidade de Málaga permite acceder a unha hemeroteca lingüística virtual con máis de 22 000 novas
O proxecto Lingua e prensa, impulsado pola Universidade de Málaga en 2008 para recompilar noticias xornalísticas sobre as linguas de España, permite na actualidade acceder a unha hemeroteca lingüística virtual que conta con máis de 22 000 novas etiquetadas procedentes de diferentes medios de comunicación.
Fonte: Consello da Cultura Galega
As universidades de Córdoba e Cádiz crean un glosario de termos vitivinícolas en diferentes idiomas no marco do proxecto WeinApp
No marco do proxecto WeinApp, liderado pola Universidade de Córdoba en colaboración coa Universidade de Cádiz, creouse un vocabulario vitivinícola con traducións dos termos en inglés, francés e alemán. O obxectivo desta aplicación móbil é que a linguaxe dos viños andaluces traspase as fronteiras idiomáticas.
Fonte: La Vanguardia
Proxéctanse dúas películas en lingua galega no Festival de Sevilla de Cine Europeo
O filme Longa Noite de Eloy Enciso estréase no 16º Festival de Sevilla de Cine Europeo na súa versión orixinal en galego, o mesmo que Arima de Jaione Camborda, que se proxectará dentro da sección "Las nuevas olas".
Fonte: Cultura Galega
A Universidade de Sevilla ofertará o Grao de Turismo en español e inglés
A Universidade de Sevilla ofertará por primeira vez o Grao en Turismo na súa modalidade bilingüe inglés-español.
Fonte: 20 minutos
Marisol López proponlle á Junta de Andalucía implantar o estudo do galego nas escolas oficiais de idiomas andaluzas
A secretaria xeral de Política Lingüística, Marisol López, reuniuse co viceconselleiro de Educación da Junta de Andalucía, Sebastián Cano, para abordar a posibilidade de implantar o estudo do galego nas escolas oficiais de idiomas desa comunidade. A proposta da Xunta de Galicia consiste en establecer unha fórmula de colaboración para que a cidadanía asentada en Andalucía teña a posibilidade de aprender galego e de recibir a formación preparatoria para a obtención dos Certificados de Lingua Galega (Celga).
Fonte: Xunta de Galicia
Unha lei regulará en Andalucía o uso da lingua de signos española
Na inauguración da Fundación Andalucía Accesibilidade e Persoas Xordas falouse da próxima entrada no parlamento andaluz dun anteproxecto de lei que regulará o uso da lingua de signos en todos os ámbitos da vida social, educativa, cultural...
Fonte: De Minorías
A Xunta de Galicia avoga por unir esforzos con Andalucía para promover a diversidade lingüística do Estado
A secretaria xeral de Política Lingüística, Marisol López, presentou o pasado venres 26 de xaneiro en rolda de prensa a exposición itinerante “As nosas palabras, os nosos mundos”. Trátase dunha mostra sobre a diversidade lingüística e a lingua galega que se poderá visitar no Real Alcázar de Sevilla ata o vindeiro 1 de marzo.
Fonte: Xunta de Galicia
Boletín
Subscríbase ao boletín
