A Consellería de Educación e a Federación de Persoas Xordas da Comunidade Valenciana presentan “De llengua a llengua”, unha aplicación para dispositivos móbiles que incentiva o ensino da lingua de signos tanto para persoas xordas como para persoas oíntes co obxectivo de favorecer a inclusión plena deste colectivo na sociedade e de dar a coñecer a súa cultura e as súas características.

Fonte: El Diario

A deputada de Turismo e a Plataforma pola Lingua reuníronse para establecer diferentes vías de acción co obxectivo de potenciar o uso institucional do valenciano. A inclusión desta lingua nas campañas de promoción turística é un compromiso coa cidadanía, xa que ten o dereito a recibir información na lingua que fala.

Fonte: Castellón Información

Durante os meses de xullo e agosto, o centro abrirá as súas portas mañás e tardes á comunidade universitaria e ao público valenciano en xeral para ofrecerlles cursos de idiomas que consoliden coñecementos xa adquiridos ou que preparen o alumnado para acreditacións oficiais. A oferta céntrase en cursos de valenciano ou de español para estudantes ou visitantes estranxeiros.

Fonte: Levante-EMV

Un total de oito centros educativos concertados non comparten a repartición equitativa das horas para o valenciano e para o castelán exposta na lei do plurilingüismo impulsada pola Consellería de Educación, xa que consideran que, para acadar un verdadeiro plurilingüismo, é necesario vehicular e potenciar a lingua minorizada.

Fonte: Levante-EMV

Representantes das dúas institucións reúnense para reafirmar a súa colaboración. Nos últimos anos realizaron actividades no ámbito da investigación e na difusión do coñecemento a través da organización de xornadas e encontros.

Fonte: El Periòdic

Francesc Gamero, secretario autonómico de Facenda, afirma que haberá un maior uso do valenciano ao ser o idioma predeterminado que aparecerá nos dispositivos. Esta medida nace do obxectivo de impulsar e facilitar o uso desta lingua no ámbito informático, nunha sociedade cada vez máis estruturada arredor das TIC.

Fonte: El Periòdic

A Deputación de Valencia colaborou na edición do manual da Plataforma pola Lingua sobre vocabulario en valenciano para o sector dos comerciantes de orixe chinesa, co obxectivo de contribuír á súa integración social. Inclúe recursos para mellorar o nivel de coñecemento desta lingua con vocabulario comercial para restaurantes, bares e cafeterías, así como expresións frecuentes, formas de saudar e relacionarse.

Fonte: SER

O obxectivo das axudas é fomentar, valorizar e impulsar o valenciano como unha lingua de uso habitual e presente nos establecementos comerciais da cidade que atenden directamente ao público. Os comercios que participen recibirán un distintivo que os identifique para darlles visibilidade.

Fonte: 20 minutos

A enquisa é necesaria para dar a coñecer a situación social do valenciano e servir de base para a súa planificación lingüística, ao formar parte dunha das actividades de promoción do valenciano da Consellería de Educación. Os datos iniciais da enquisa extraeranse dunha mostra de 9000 persoas e os seus resultados publicaranse a finais deste ano ou principios do 2022.

Fonte: Levante-EMV

A Unidade de Normalización Lingüística explica que a concesión desta subvención destinada aos concellos busca axudar ao sector do comercio e á dinamización do valenciano ao recoñecer o uso desta lingua por parte das persoas comerciantes nos seus establecementos.

Fonte: El Periòdic