Altea acolle unha nova edición de Bellaguarda de Cine, un ciclo de cine en valenciano polo que cada martes se proxectará un filme e cuxa entrada será libre e gratuíta.

Fonte: El Periòdic

A Biblioteca Virtual Miguel de Cervantes da Universidade de Alacant crea o portal Acadèmia Valenciana de la Llengua co obxectivo de acoller e difundir fondos, material e contidos científicos relacionados coa lingua, a literatura e a cultura valencianas.

Fonte: elperiodic.com

As subvencións a empresas e asociacións que traballan en valenciano e os Premios Literarios Ciudad de Sagunto son as dúas convocatorias anuais que publica o Gabinete de Promoción do Valenciano do Concello de Sagunto e que estarán abertas ata o 25 de xullo. Con esta iniciativa, o departamento busca normalizar a lingua no ámbito cultural, asociativo e económico. 

Fonte: elperiodic.com

Baixo o lema «Ensenyants pel valencià», unha nova campaña insta as institucións públicas a facer un esforzo lexislativo e económico  para deter o retroceso do valenciano no sistema educativo. Todas as persoas que o desexen poden apoiar esta iniciativa a través da web www.ensenyantspelvalencia.org.

Fonte: Plataforma per la Llengua

Ao abeiro dunha campaña de promoción lingüística que ten como lema «En valencià és més dolç», o Concello de Xàtiva repartirá entre os establecementos hostaleiros do municipio máis de 170 000 sobres de azucre con frases feitas e refráns en valenciano.

Fonte: El Periòdic

O futuro decreto de capacitación lingüística, que regulará o nivel de coñecemento de valenciano necesario para o acceso á Función Pública, suporá unha boa oportunidade para incorporar esta lingua ao mesmo nivel que o castelán.  

Fonte: Generalitat Valenciana

Este concurso, organizado pola Plataforma per la Llengua, ten como obxectivo promover o uso do valenciano en TikTok, a rede social máis popular entre a xente nova, así como impulsar novos talentos nesta lingua.

Fonte: 20minutos

A Academia Valenciana da Lingua convoca unha liña de axudas, á que destinará un importe de 50 000 euros, para fomentar o uso do valenciano nas emisoras locais de radio, as revistas de investigación e as revistas de temática especializada ou de carácter local ou comarcal.

Fonte: Valencia Plaza

A Generalitat busca persoas voluntarias que saiban ruso ou ucraíno e valenciano ou castelán para que actúen como mediadoras de idiomas. Así mesmo, creou unha guía con expresións básicas nas mencionadas linguas, ademais do inglés, e unha plataforma para traducir documentos relacionados con trámites básicos.

Fonte: Levante-EMV

Os responsables de Política Lingüística dos gobernos valenciano, catalán e balear reuníronse en Valencia no marco da Declaración de Palma para valorar o proxecto estatal ‘Nueva economía de la lengua’ que só reserva o 2,7 % do total de fondo ás linguas oficiais diferentes ao castelán.

Fonte: Govern Illes Balears