Comunidade Valenciana
Os responsables de Política Lingüística de Cataluña, Illas Baleares e Comunidade Valenciana demandan un investimento igualitario en todas as linguas oficiais
Os responsables de Política Lingüística dos gobernos valenciano, catalán e balear reuníronse en Valencia no marco da Declaración de Palma para valorar o proxecto estatal ‘Nueva economía de la lengua’ que só reserva o 2,7 % do total de fondo ás linguas oficiais diferentes ao castelán.
Fonte: Govern Illes Balears
Doce queixas no último ano denuncian a discriminación do valenciano no ámbito sanitario
A Plataforma per la Llengua recibiu doce queixas no último ano pola discriminación do valenciano no ámbito sanitario, a maioría delas debidas a actuacións de profesionais e outras, pola ausencia desta lingua nas comunicacións da Administración.
Fonte: 20minutos
Varias sentenzas fixan que o peso do valenciano e do castelán na educación manteña un equilibrio entre ambas as linguas
O Tribunal Superior de Xustiza da Comunidade Valenciana fixou en cinco sentenzas que o peso do valenciano e do castelán na educación plurilingüe manteña unha proporción razoable e garde un equilibrio nos horarios lectivos e na súa repartición entre as materias troncais.
Fonte: 20minutos
A Deputación de Valencia convoca axudas para a implantación de plans de normalización lingüística nos concellos
As subvencións para a implantación do Plan de normalización lingüística 2022 están destinadas a municipios da provincia de Valencia, con prioridade para os que teñen entre 3000 e 10 000 habitantes, que poderán recibir ata un máximo de 10 200 euros.
Fonte: Diputació de València
As Cortes Valencianas mostran o seu apoio á diversidade lingüística europea
A Comisión de Asuntos Europeos aprobou unha proposición non de lei que, en liña coa Carta dos Dereitos Fundamentais da Unión Europea, recoñece a riqueza da diversidade lingüística e cultural no seo da Unión Europea.
Fonte: El Periòdic
O Concello de Algemesí e a Academia Valenciana da Lingua asinan un convenio para promover o valenciano no municipio
O convenio, cuxa duración é de catro anos, ten como obxectivo a organización de actividades destinadas a fomentar o coñecemento e o uso do valenciano no municipio de Algemesí.
Fonte: El Periòdic
O Concello de Nules organiza unha nova campaña de promoción do valenciano nas rebaixas
O Concello de Nules puxo en marcha unha campaña de fomento do valenciano coa repartición de carteis e etiquetas nesta lingua entre o comercio local para a época de rebaixas.
Fonte: Castellón Diario
Concello e Deputación de Valencia colaborarán para fomentar o uso do valenciano
Ambas as institucións estudarán mecanismos de colaboración para organizar campañas e desenvolver proxectos de difusión e normalización do uso do valenciano. Un exemplo é a campaña «Creixent al caliu», destinada a fomentar esta lingua entre o alumnado das escolas infantís municipais.
Fonte: Levante-EMV
O Concello de Valencia pon en marcha unha campaña para impulsar nas redes sociais os contidos en valenciano
O Concello de Valencia impulsou a campaña «Més que un like», unha nova iniciativa para a promoción do valenciano nas redes sociais, coa que pretende visibilizar os influencers que usan esta lingua nas súas publicacións, para demostrar así que non hai que renunciar a ela para triunfar.
Fonte: 20minutos
As Festas de Castelló terán o valenciano como lingua oficial
O consello reitor do padroado municipal das Festas de Castelló de la Plana aprobaron os novos estatutos nos que se contempla que o valenciano sexa a lingua oficial.
Fonte: 20 minutos
Boletín
Subscríbase ao boletín
