Comunidade Valenciana

Centros de secundaria critican o retroceso nas horas que se imparten en valenciano pola aplicación da nova lei de plurilingüismo

A lei de plurilingüismo chegará o vindeiro curso aos centros de secundaria, polo que preto de setenta institutos subscribiron unha carta na que lamentan que a súa implantación suporá un retroceso nas horas de valenciano que impartirán respecto ás actuais.

Fonte: Levante-EMV

Comunidade Valenciana

O Concello de Novelda organiza novas actividades relacionadas co valenciano

O Concello de Novelda presenta as actividades de fomento do valenciano coas que se pecha o ano: cinemateca para os centros de ensino, carta aos Reis Magos, calendarios de mesa con vocabulario de diferentes temas ou contacontos.

Fonte: Novelda Digital

Comunidade Valenciana

A Deputación de Valencia presenta a campaña «Sona tan bé» de promoción do valenciano

“Sona tan bé”, a campaña organizada pola Deputación de Valencia, ten como obxectivo reivindicar as palabras propias do valenciano que cada vez se empregan menos. O músico e guionista Àlex Martínez Orts foi o creador desta orixinal iniciativa.

Fonte: Valencia City

Comunidade Valenciana

Entidades en defensa do valenciano presentan un informe con denuncias de vulneración dos dereitos lingüísticos

Representantes de varias entidades en defensa do valenciano celebraron un acto reivindicativo con motivo do Día dos Dereitos Lingüísticos e presentaron un informe con diferentes denuncias de 2020. Entre as queixas, destacan as referidas a páxinas web ou programas da Consellería de Educación porque priorizan o castelán.

Fonte: Levante-EMV

Comunidade Valenciana

Propoñen que Alacant conte cun regulamento de promoción do valenciano

Compromís per Alacant cre necesario avanzar na presenza do valenciano na Administración local e fomentar a formación do funcionariado nesta lingua para ofrecerlle un mellor servizo á cidadanía. Por este motivo, propón que se comece a traballar na posta en marcha dun regulamento de promoción do valenciano, como xa existe na maioría dos concellos da comunidade.

Fonte: El Periòdic

Comunidade Valenciana

Máis de 700 profesionais da sanidade asinan un manifesto de apoio á atención médica en valenciano

Máis de 700 profesionais sanitarios asinaron polo momento o manifesto da campaña «Sanitat en valencià», no que solicitan que se garanta a atención médica en valenciano. Para quen queira sumarse á iniciativa creouse a páxina web www.sanitatenvalencia.org.

Fonte: Levante-EMV

Comunidade Valenciana

O Concello de Silla pon en marcha unha nova campaña para fomentar o uso do valenciano e reducir a contaminación

O Concello de Silla organizou unha campaña que ten como finalidade promover o uso do valenciano e contribuír ao coidado do medio evitando a xeración de residuos. Para iso deseñáronse unhas máscaras para combater a covid-19, que aguantan oitenta lavados, coa mensaxe “Trau la llengua. Viu en valencià”.

Fonte: Comarcal CV

Comunidade Valenciana

A Universidade de Valencia impartirá o vindeiro curso a metade da docencia en valenciano

O Consello de Goberno da Universidade de Valencia aprobou que para o curso 2021-2022 na Universidade de Valencia se imparta a metade da docencia dos graos en valenciano, para acadar a equiparación lingüística co castelán, e que se incremente a presenza do inglés e doutras linguas estranxeiras.

Fonte: Levante-EMV

Comunidade Valenciana

O valenciano converterase nun requisito para o acceso á Administración na nova Lei de función pública da Comunidade Valenciana

O debate lingüístico reábrese na Comunidade Valenciana ante a posibilidade de que na nova Lei de función pública o coñecemento do valenciano se converta en obrigatorio para quen queira acceder á Administración, tamén no caso do persoal sanitario.

Fonte: El Periòdic

Comunidade Valenciana

O Concello de Gandía reparte manteis entre os establecementos hostaleiros para fomentar o uso do valenciano

O Concello de Gandía presentou a campaña "Gandia en valencià", dirixida aos establecementos hostaleiros para normalizar o uso do valenciano. No marco desta iniciativa repartiranse 10 000 manteis de papel entre a hostalería da cidade.

Fonte: Saforguia

Comunidade Valenciana

Boletín

Subscríbase ao boletín

Logo Feder