Comunidade Valenciana
Preséntanse os resultados dunha enquisa sobre o uso e o coñecemento do valenciano nalgunhas zonas de Alacant
A Academia Valenciana da Lingua presentou os resultados dunha enquisa sobre uso e coñecemento do valenciano e actitudes lingüísticas realizada nos municipios de Elx, Crevillent e Santa Pola na que destaca o baixo nivel de coñecemento desta lingua.
Fonte: El Periòdic
Preséntase nas Cortes valencianas a nova lei de plurilingüismo para o sistema educativo
A Lei de liberdade educativa, que previsiblemente entrará en vigor no curso 2025-2026, recupera a dobre liña en valenciano e castelán, pola que o alumnado de zonas castelanfalantes pode evitar examinarse da materia de valenciano.
Fonte: Valencia Plaza
A Deputación de Valencia convoca subvencións para concellos que premien o uso do valenciano no comercio
Os concellos da provincia de Valencia que presenten a súa solicitude á campaña «Som de barri, de ciutat, de botiga i de mercat» poderán recibir axudas para organizar premios ao uso do valenciano no comercio local.
Fonte: Diputació de València
O Concello de Catarroja convoca un premio ao uso do valenciano nas Fallas
O Premio ao Uso do Valenciano nas Fallas de Catarroja 2024 ten como obxectivo recoñecer e fomentar o emprego desta lingua nos monumentos falleros e contribuír así á súa posta en valor nunha festa tan tipicamente valenciana.
Fonte: El Periòdic
O Concello de Alcoi ofrécelle a toda a poboación do municipio e a comarca un espazo semanal de conversa en valenciano
Co obxectivo de crear oportunidades de vivir en valenciano, ponse en marcha este espazo multixeracional e multicultural para conversar nesta lingua, gratuíto e de asistencia libre aberta a toda a poboación.
Fonte: Ajuntament d'Alcoi
Un estudo advirte do incremento da desigualdade lingüística e de presións contra o valenciano
Segundo o estudo Índice de Desigualdad Lingüística (IDL) de las regiones sociolingüísticas valencianas, impulsado pola Fundación Nexe, apréciase unha tendencia cara á desigualdade lingüística ao tempo que existen presións sociais e políticas contra o uso do valenciano.
Fonte: Gente
O Concello de Alzira organiza un concurso para promover o uso do valenciano
Con este concurso, que ten como lema «Juguem amb la llengua», búscase encher as redes sociais de frases feitas en valenciano a través da publicación dunha foto en Instagram.
Fonte: Alzira Radio
Publícanse dous cómics para poñer en valor a diversidade lingüística e cultural valenciana
A Deputación de Valencia e a Academia Valenciana da Lingua publican Maig a Xulilla. La Enramá e El tresor d'Al-Buferet. Una travessia en vela llatina, dúas historias en formato cómic que teñen como obxectivo dar a coñecer a diversidade lingüística e cultural da provincia.
Fonte: Gente
O Concello de L'Eliana organiza unha campaña de promoción do valenciano
A campaña «Cada dia una paraula» ten como obxectivo promover cada día, nas redes sociais do Concello, unha palabra en valenciano ao longo do mes de febreiro, co gallo da celebración, o 21 deste mes, do Día Internacional da Lingua Materna.
Fonte: Ajuntament de L'Eliana
Nace unha plataforma en defensa do valenciano formada por 26 colectivos
A plataforma -Nos nace co obxectivo de defender e promover o valenciano, así como vixiar que a Administración autonómica cumpra a súas obrigas de protexelo e respectalo como sinala o Estatuto de Autonomía da Comunidade Valenciana.
Fonte: Alicante Plaza
Boletín
Subscríbase ao boletín
