Comunidade Valenciana
A Academia Valenciana da Lingua realiza unha enquisa sobre actitudes lingüísticas no sur da comunidade autónoma
Os resultados desta enquisa sobre actitudes lingüísticas no sur da Comunidade Valenciana coñeceranse previsiblemente no primeiro trimestre de 2023. O obxectivo da iniciativa é coñecer as opinións da cidadanía sobre o valenciano para poder deseñar proxectos e actuacións no territorio.
Fonte: La Vanguardia
A Academia Valenciana da Lingua presenta unha nova edición do seu dicionario de lingüística
O Museo da Cidade de Valencia acolle a presentación da nova edición do Diccionari de lingüística, unha versión revisada e actualizada desta obra elaborada a comezos dos anos 90 do século XX.
Fonte: La Vanguardia
O Goberno valenciano reunirase para determinar o nivel de coñecemento de valenciano que se lles esixirá aos funcionarios dos grupos A1 e A2
As conselleiras de Administración Pública e de Educación reuniranse en setembro para determinar o nivel lingüístico que se lles esixirá aos empregados públicos de alto rango.
Fonte: Información
Plataforma pola Lingua pide que se investigue a desatención a un paciente por falar en valenciano
Plataforma pola Lingua reclama á Consellería de Sanidade Universal que investigue o caso no que un médico do centro de saúde de Quart de Poblet (Valencia) se negou a atender un paciente falante de valenciano, incluso despois de que comezase a expresarse en castelán.
Fonte: 20 minutos
A nova edición da Estancia Lingüística en Valencia acolle 30 estudantes do exterior
A Academia Valenciana da Lingua (AVL) e o Instituto Ramon Llull organizan unha nova edición da Estancia Lingüística en Valencia na que participan trinta estudantes do valenciano de todo o mundo, co obxectivo de mellorar a súa competencia lingüística e os seus coñecementos culturais a través de cursos, conferencias e visitas, entre outras actividades.
Fonte: La Vanguardia
Altea organiza unha nova edición do ciclo de cine en valenciano
Altea acolle unha nova edición de Bellaguarda de Cine, un ciclo de cine en valenciano polo que cada martes se proxectará un filme e cuxa entrada será libre e gratuíta.
Fonte: El Periòdic
Inaugúrase o portal Acadèmia Valenciana de la Llengua
A Biblioteca Virtual Miguel de Cervantes da Universidade de Alacant crea o portal Acadèmia Valenciana de la Llengua co obxectivo de acoller e difundir fondos, material e contidos científicos relacionados coa lingua, a literatura e a cultura valencianas.
Fonte: elperiodic.com
O Concello de Sagunto publica novas convocatorias de normalización lingüística do valenciano
As subvencións a empresas e asociacións que traballan en valenciano e os Premios Literarios Ciudad de Sagunto son as dúas convocatorias anuais que publica o Gabinete de Promoción do Valenciano do Concello de Sagunto e que estarán abertas ata o 25 de xullo. Con esta iniciativa, o departamento busca normalizar a lingua no ámbito cultural, asociativo e económico.
Fonte: elperiodic.com
Ponse en marcha unha campaña para demandar un impulso do valenciano no sistema educativo
Baixo o lema «Ensenyants pel valencià», unha nova campaña insta as institucións públicas a facer un esforzo lexislativo e económico para deter o retroceso do valenciano no sistema educativo. Todas as persoas que o desexen poden apoiar esta iniciativa a través da web www.ensenyantspelvalencia.org.
Fonte: Plataforma per la Llengua
O Concello de Xàtiva organiza unha campaña de promoción do valenciano a través dos sobres de azucre
Ao abeiro dunha campaña de promoción lingüística que ten como lema «En valencià és més dolç», o Concello de Xàtiva repartirá entre os establecementos hostaleiros do municipio máis de 170 000 sobres de azucre con frases feitas e refráns en valenciano.
Fonte: El Periòdic
Boletín
Subscríbase ao boletín
