Comunidade Valenciana
O Concello de Valencia crea unha gran recompilación de listas de música en valenciano
O Gabinete de Normalización Lingüística do Concello de Valencia publica unha recompilación de listas musicais en valenciano para fomentar o uso desta lingua en toda a cidade. O proxecto ten o nome de ‘Música, València!” e realízase por xéneros musicais, momentos e temáticas.
Fonte: Gente Digital
A Deputación de Valencia publica a convocatoria de subvencións para implantar o Plan de normalización lingüística de 2021
A Deputación publicou, a través da Unidade de Normalización Lingüística, as subvencións para axudar os municipios cun conxunto de accións e estratexias que teñen como obxectivo promocionar o uso do valenciano.
Fonte: El Económico
A Academia Valenciana da Lingua lanza a aplicación de consulta Gramàtic-On
A academia crea unha aplicación para resolver en liña as dúbidas con respecto ao uso do valenciano. Gramàtiques Normatives Valencianes, abreviada como Gramàtic-On, pretende ser unha ferramenta básica para preparar un exame ou redactar algún escrito nesta lingua.
Fonte: El Periódico Mediterráneo
O Concello de Valencia pon en marcha unha campaña para impulsar o emprego do valenciano na rúa
Baixo o lema ‘València en valencià’, o Concello de Valencia lanza a través das redes sociais esta campaña co cancelo #EnValenciàVLC co obxectivo fomentar o uso do valenciano en todos os barrios da cidade e en todas as franxas de idade.
Fonte: La Vanguardia
A Deputación de Valencia presenta a súa nova campaña de promoción lingüística
Esta nova iniciativa impulsada desde a Deputación de Valencia consiste nun vídeo que leva por título ‘Allà on naix la música’ e que contén o vocabulario das bandas de música.
Fonte: El Periòdic
O Concello de Valencia lanza unha liña de axudas para fomentar o uso do valenciano no comercio
Trátase da segunda edición desta liña de axudas coas que se pretende impulsar o uso do valenciano nos establecementos comerciais de Valencia. A dotación orzamentaria ascende a 47 500 euros e cada empresa poderá recibir ata 2000.
Fonte: La Vanguardia
O Concello de Castelló pasa a formar parte da Rede Pública de Servizos Lingüísticos Valencianos
O Concello de Castelló participou por primeira vez na reunión da Rede Pública de Servizos Lingüísticos Valencianos o que lle abre a porta á realización de accións de apoio ao valenciano desde moitos máis ámbitos.
Fonte: El Periòdic
Celébrase o Día da Lingua e a Cultura Valencianas
Un evento conmemora a celebración da XXXIII edición do Día da Lingua e a Cultura Valencianas con motivo do 40 aniversario das Normas de El Puig.
Fonte: Las Provincias
Volve o programa Ràdio-activitat para fomentar o uso do valenciano entre os escolares
A iniciativa Ràdio-activitat tivo que suspenderse pola covid-19 e agora retómase co obxectivo de fomentar o valenciano nos centros educativos a través dun programa radiofónico.
Fonte: El Periòdic
Propoñen na Comunidade Valenciana o impulso dun pacto pola igualdade lingüística
O sindicato Intersindical Valenciana propuxo un pacto pola igualdade lingüística para garantir unha auténtica equidade en todos os ámbitos sociais, xa que, segundo apuntan nun comunicado, cómpre un consenso para avanzar no proceso de recuperación e normalización lingüística do valenciano.
Fonte: Valencia Plaza
Boletín
Subscríbase ao boletín