A AVL prepara un informe sobre o decreto que regulará a competencia en valenciano no sistema educativo para analizar as súas consecuencias, contribuír a un maior acordo social e abordar solucións máis satisfactorias.

Fonte: El Periódico de Aquí

O Goberno valenciano modifica a Lei do Estatuto dos Consumidores para engadir como infracción sancionable a discriminación lingüística e poderá impor multas de ata 3000 euros a comercios e empresas que deneguen a atención en valenciano.

Fonte: ABC

Elaboráronse 400 calendarios e marcapáxinas para fomentar y promocionar o uso da lingua e a cultura valencianas, que se poderán adquirir de balde no propio Concello.

Fonte: El Periòdic

Plataforma per la Llengua organiza o primeiro encontro de tiktokers en valenciano que busca impulsar o seu uso nesta rede social, a máis empregada pola xente nova, e no que participan varios influencers.

Fonte: Cadena Ser

Segundo unha enquisa do Goberno da Comunidade Valenciana sobre o coñecemento e o uso social do valenciano en diferentes ámbitos sociais, produciuse un aumento xeneralizado da competencia nesta lingua. Así, subiu en seis puntos a porcentaxe de persoas que o saben escribir; case cinco, a das que o saben ler; e máis de tres, a das que o entenden.    

Fonte: El Periòdic

As consellerías de Educación e Xustiza conseguiron un acordo sobre o nivel de coñecemento de valenciano que deberá acreditarse para acceder a un posto na Administración pública desta comunidade.  O acordo deixa fóra o persoal sanitario, para o que será un mérito, e o persoal docente, que ten a súa propia regulación.

Fonte: Valencia Plaza

Escola Valenciana presentou a segunda edición da campaña «Tasta el Valencià», unha iniciativa que ten como obxectivo buscar o vínculo entre a lingua e a gastronomía. Para iso, elaboraron unha serie de vídeos que percorren diferentes comarcas da Comunidade Valenciana para amosar receitas típicas coas que aprender novas palabras, así como a riqueza lingüística do valenciano.

Fonte: Actualitat Valenciana

Entre as iniciativas destacan, por unha banda, a campaña «Esperant llegint!», pola que se distribuirán libros de autores valencianos en lugares con zonas de agarda (clínicas dentais, notarías...); ou, por outra, a repartición entre os centros educativos de infantil e de primaria dun xogo de cartas para recuperar a tradición dos monstros valencianos da festividade de Todos os Santos.

Fonte: Ajuntament d'Elx

O Gabinete de Normalización Lingüística do Concello de Valencia conta cunha nova páxina web que ofrece todo tipo de recursos informativos, divulgativos e de promoción sobre o valenciano.

Fonte: El Periòdic

Trátase dun plan piloto creado pola Unidade de Normalización Lingüística da Deputación de Valencia para apoiar municipios pequenos e difundir o uso e a presenza do valenciano a través dunha serie de accións que se desenvolverán dentro ou fóra do concello durante tres meses.

Fonte: Saforguia