Comunidade Valenciana
As Festas de Castelló terán o valenciano como lingua oficial
O consello reitor do padroado municipal das Festas de Castelló de la Plana aprobaron os novos estatutos nos que se contempla que o valenciano sexa a lingua oficial.
Fonte: 20 minutos
O Concello de Valencia distribúe entre os mercados municipais carteis cos nomes dos alimentos en lingua de signos
Os mercados municipais valencianos disporán de carteis cos nomes dos alimentos en lingua de signos, ao abeiro dunha campaña impulsada desde o concello en colaboración coa Generalitat e a Federación de Persoas Xordas desta comunidade.
Fonte: 20minutos
O Concello de Novelda pon en marcha a campaña “Cartes dels Reis d’Orient 2022” para fomentar o uso do valenciano entre os escolares
Ao abeiro desta iniciativa repartiranse cartas dos Reis Magos en papel, acompañadas de material didáctico complementario, e ofrecerase a posibilidade de descargala en internet a través dunha plataforma que contén, ademais, actividades adicionais como xogos e cancións.
Fonte: Ayuntamiento de Novelda
Case mil persoas participaron ao longo das seis edicións do voluntariado lingüístico organizado polo Concello de Valencia
Un total de 908 persoas participaron no Voluntariado polo Valenciano desde que se iniciou a iniciativa no ano 2016. Nesta última edición xuntáronse 25 voluntarios e 43 aprendices que formaron parellas lingüísticas para practicar valenciano ao longo de dúas semanas.
Fonte: 20minutos
O Concello de Valencia inicia unha campaña de promoción do uso do valenciano desde as escolas infantís
A campaña «Creixent al caliu» pon a disposición das escolas infantís de Valencia material didáctico e un programa de actividades para a promoción do uso do valenciano como lingua transversal co obxectivo de sensibilizar as familias e a sociedade en xeral sobre a importancia da transmisión desta lingua.
Fonte: 20minutos
A Deputación de Valencia presenta unha campaña de fomento do valenciano destinada ao comercio local
A campaña de fomento do valenciano 'Som de barri, de ciutat, de botiga i de mercat', dirixida ao comercio local como sector clave no desenvolvemento das cidades, combina os valores de proximidade, calidade e confianza que comparten este tipo de establecementos e a lingua propia.
Fonte: Valencia Plaza
As Cortes valencianas demandan que se garanta o acceso aos medios de comunicación en catalán en todos os territorios onde se fala
As Cortes Valencianas reclaman a posta en marcha de actuacións que garantan o dereito das persoas que residan nos territorios lingüísticos cataláns a accederen aos medios de comunicación nesta lingua.
Fonte: Levante-EMV
Anuncian a obra gañadora do concurso do Concello de Castelló para a promoción do valenciano no ámbito multimedia
O corto En la punta de la llengua de Anna Bronchal, que gañou o concurso da Concellería de Plurilingüismo e Fomento do Valenciano do Concello de Castelló, trata a situación dun mozo que se reencontra coa lingua propia, que o acompañou ao longo da súa vida.
Fonte: El Periòdic
Plataforma pola Lingua reclama ao Concello de Benaguasil a inclusión do valenciano nas súas comunicacións
A organización presentou unha reclamación perante a Oficina de Dereitos Lingüísticos da Generalitat Valenciana e o Concello de Benaguasil para que o consistorio inclúa o valenciano na rotulación urbana, na súa páxina web, redes sociais e canles de información e atención á cidadanía.
Fonte: Plataforma per la Llengua
A Generalitat Valenciana promove unha aplicación para facilitar o uso da linguaxe inclusiva na redacción de documentación administrativa
A Consellería de Igualdade e Políticas Inclusivas pon á disposición do persoal da administración valenciana unha aplicación informática que detecta a linguaxe sexista que pode conter un texto e que propón algunhas alternativas adecuadas para a súa corrección.
Fonte: Levante-EMV
Boletín
Subscríbase ao boletín
