Os obxectivos que se inclúen no protocolo son o impulso e a consolidación das estruturas de promoción do valenciano nas administracións públicas, mediante a realización de proxectos, estudos e actividades que promovan o coñecemento e o uso da lingua propia en todos os ámbitos sociais, a través dunha rede de oficinas de promoción.

Fonte: Levante

Un informe elaborado por investigadores universitarios, en colaboración coa Academia Valenciana da Lingua, sobre 5.000 enquisas a alumnos, profesores e persoal de administración e servizos (PAS) revela que o 53,7 % dos alumnos recibe todas as clases en castelán, mentres que só un 1,8 % estuda integramente en valenciano.

Fonte: El País

O Síndic de Greuges, José Cholbi, recordoulle á Consellería de Sanidade da Comunidade Valenciana que ten o deber legal de garantir que, nos servizos públicos que dependen dela, as persoas que tratan co público teñen o suficiente coñecemento de valenciano como para atender con normalidade a súa responsabilidade.

Fonte: ABC

Populares e socialistas aprobaron a nova Lei da función pública da Comunidade Valenciana, que non recolle a obrigatoriedade de acreditar os coñecementos de valenciano para optar a un posto na Administración autonómica.

Fonte: Las Provincias

O grupo de investigación de Neuropsicoloxía e Neuroimaxe Funcional da Universidade Jaume I de Castellón (UJI) describiu que as persoas bilingües son máis rápidas e eficientes en determinadas tarefas nas que se utilizan funcións executivas debido a unha diferente forma de control cerebral.

Fonte: El Mundo

O secretario xeral de Política Lingüística, Anxo Lorenzo, presentou en Valencia o novo marco educativo no sistema non universitario de Galicia, o Decreto 79/2010. Fíxoo durante a I Xornada sobre Plurilingüismo na Comunidade Valenciana.

Fonte: Xunta de Galicia

O secretario autonómico de Relacións co Estado e coa Unión Europea, Rafael Ripoll, subliñou “o esforzo do Consell en impulsar e fomentar o uso do valenciano dentro e fóra das nosas fronteiras, especialmente nas institucións europeas”.

Fonte: El Periòdic

O conselleiro valenciano de Educación, Alejandro Font de Mora, asegurou que o seu departamento traballa para que no futuro sexan compatibles os intereses das ensinanzas en valenciano e en castelán.

Fonte: Diariocrítico de la Comunitat Valenciana

A experta en didáctica da lingua do Departamento de Educación da Universidade Jaume I (UJI), Isabel Ríos, destacou a necesidade de aplicar a normativa do sistema educativo valenciano, "xa que é das mellores", aínda que a súa implantación é "bastante deficitaria", co fin de garantir a aprendizaxe bilingüista "real" de todos os escolares nas dúas linguas propias (valenciano-castelán) e a introdución "correcta" do inglés como terceira lingua.

Fonte: Levante-emv

As guías de conversación de valenciano e outro idioma como inglés ou francés xa se poden descargar no teléfono móbil, segundo anunciou o conselleiro de Educación, Alejandro Font de Mora.

Fonte: Qué!