Comunidade Valenciana
Unha campaña anima a usar o valenciano entre o colectivo universitario
A Asociación Cívica Valenciana Tirant lo Blanc e a Plataforma per la Llengua País Valencià realizarán unha campaña de promoción do uso do valenciano dirixida ao colectivo universitario.
Fonte: ABC
Os alumnos valencianos poderán escoller a lingua en que responden os exames
A Consellería de Educación Valenciana propón que nos centros que formen parte da rede plurilingüe os alumnos poidan escoller se queren realizar as probas oficiais en valenciano ou castelán, con independencia da lingua en que se imparta a materia.
Fonte: El Mundo
A Academia Valenciana da Lingua presenta unha campaña para potenciar o uso social do valenciano
A Academia Valenciana da Lingua (AVL) presentou unha das súas campañas estrela este 2011. “En valencià” é unha iniciativa de acción cidadá para promover a lingua na rúa, cun maior uso social. Un total de 63 municipios da Comunidade Valenciana xa se adheriron.
Fonte: El Periódico Mediterráneo
A Universidade de Valencia rexeita aumentar a docencia en valenciano ata o 50 %
O incremento progresivo da docencia en valenciano para conseguir en cinco anos pasar da oferta actual do 25 ao 50 % na Universidade de Valencia (UV) non pasou a criba do seu claustro.
Fonte: levante-emv.com
A Universidade Jaume I cre que o cesamento de emisión de TV3 “empobrece a oferta en lingua propia”
O Consello de Dirección da Universidade Jaume I rexeita a finalización das emisións da Corporación Catalá de Medios Audiovisuais (TV3 e todas as súas canles de TDT) no territorio da Comunidade Valenciana, pois “empobrece notablemente a oferta na lingua propia”.
Fonte: ABC
Escola Valenciana aposta por “unha educación plurilingüe de calidade" con clases en inglés desde os tres anos
Escola Valenciana aposta por “unha educación plurilingüe, de calidade para todo o alumnado valenciano” e sen distincións por “procedencia lingüística, cultural e socioeconómica dos alumnos”, na que se introduza o inglés a partir dos tres anos e se imparta como mínimo a metade das horas lectivas en valenciano.
Fonte: Europa Press
O Goberno valenciano rebaixa a lei do valenciano mentres os expertos piden ampliala
Mentres os expertos avogan pola evolución da Lei de uso e ensinanza do valenciano coa implantación de programas plurilingües que atrasen aos sete anos o ensino en castelán, dado que é a lingua dominante, o Goberno valenciano busca a maneira de minar o espírito da normativa e limitar a aprendizaxe desta lingua.
Fonte: El País
A Academia Valenciana da Lingua promove a lingua propia en Sagunto
O alcalde de Sagunto, Alfredo Castelló, visitou o expositor que a Academia Valenciana da Lingua instalou na praza Glorieta para promover o valenciano, e comprobou as actividades que se realizaron.
Fonte: El Económico
O TSX Valenciano determina que o BOP de Castellón non poderá obrigar os usuarios a enviar os textos en castelán
O Tribunal Superior de Xustiza (TSX) da Comunidade Valenciana determinou nunha sentenza que o Boletín Oficial da Provincia (BOP) de Castellón non poderá obrigar os usuarios falantes de valenciano a enviar os seus textos tamén en castelán.
Fonte: Europa Press
A Consellería de Medio Ambiente e a Academia Valenciana da Lingua colaboran para mellorar a toponimia da Comunidade
A Consellería de Medio Ambiente, Auga, Urbanismo e Vivenda, a través do Instituto Cartográfico da Comunidade Valenciana e a Academia Valenciana da Lingua, colaboran para mellorar, actualizar, completar e ampliar os rexistros topográficos da Comunidade Valenciana.
Fonte: El Periodic
Boletín
Subscríbase ao boletín
