Comunidade Valenciana
A Consellería valenciana de Cultura pon ao alcance de todos os cidadáns os dicionarios valencianos en liña
A Consellería de Cultura, Turismo e Deporte puxo ao alcance de todos os cidadáns un novo servizo que permite a consulta en liña dos dicionarios da Subdirección Xeral de Política Lingüística da Dirección Xeral de Patrimonio Cultural.
Fonte: El Económico
O Supremo elimina a materia de Educación para a Cidadanía en inglés en Valencia
O Tribunal Supremo confirmou a anulación da orde da Generalitat valenciana pola que se establecía a impartición nesta comunidade da materia de Educación para a Cidadanía en lingua inglesa, así como a posibilidade de aprobar a materia mediante un traballo.
Fonte: La Vanguardia
O grupo parlamentario Compromís pide que o valenciano sexa recoñecido como lingua oficial da Unión Europea
O grupo parlamentario Compromís presentou unha proposición non de lei nas Cortes na que piden que o valenciano sexa recoñecido como lingua oficial da Unión Europea e aceptado polos Estados membros.
Fonte: La Vanguardia
Só 1100 profesores dos 29 000 de Primaria poderían ensinar inglés na Comunidade Valenciana
Na Comunidade Valenciana, unicamente o 4,27 por cento do profesorado de Ensino Primario ten a dobre titulación de mestre e o B2 de lingua inglesa, mentres que en Infantil a porcentaxe se eleva ao 13,2, segundo datos facilitados pola consellería.
Fonte: Levante-emw
A Consellería valenciana de Educación amplía un 15 % a formación en linguas estranxeiras do profesorado
A Consellería de Educación, Formación e Emprego ampliará a oferta de formación en linguas estranxeiras para os docentes da Comunidade Valenciana durante a segunda metade do curso para atender a crecente demanda do profesorado.
Fonte: ABC
Unha asociación pídelle á Consellería valenciana de Educación que inclúa o portugués no sistema plurilingüe
A Asociación Cultural Espaituga demanda a presenza da lingua e cultura portuguesas dentro do sistema educativo valenciano “ao mesmo nivel que outras linguas estranxeiras como o francés, o alemán e o italiano”.
Fonte: La Vanguardia
A Deputación de Alacant e a Academia Valenciana da Lingua acordan a sinatura dun primeiro convenio marco
A Deputación de Alacant e a Academia Valenciana da Lingua traballarán conxuntamente na promoción e o impulso do valenciano.
Fonte: El Periodic
Un total de 150 municipios da Comunidade Valenciana cambia a súa denominación oficial ao valenciano
Un total de 150 municipios dos 542 que conforman a Comunidade Valenciana solicitou o cambio da súa denominación oficial pola forma exclusiva en valenciano, segundo informa a Generalitat.
Fonte: ABC
Preséntase Maestrat Viu, un novo colectivo en defensa da lingua e a cultura valencianas
A localidade de Benassal acolleu a presentación de Maestrat Viu, un novo colectivo en defensa da lingua e a cultura valenciana.
Fonte: El Periódico Mediterráneo
A Consellería de Educación e a Academia Valenciana da Lingua pactan o novo decreto de trilingüismo
O actual modelo de plurilingüismo baseado nas liñas en castelán, valenciano e os programas de inmersión lingüística (PIL) desaparece o próximo curso 2012-2013. Así o anunciou a conselleira de Educación, Formación e Emprego, María José Catalá, tras reunirse co presidente da Academia Valenciana da Lingua (AVL), Ramón Ferrer.
Fonte: El País
Boletín
Subscríbase ao boletín
