Comunidade Valenciana
O Goberno subvenciona con dous millóns de euros a promoción do valenciano no cine
Así consta no convenio asinado entre o Instituto da Cinematografía e das Artes Audiovisuais (ICAA), dependente do Goberno central, e o Instituto Valenciano do Audiovisual e a Cinematografía Ricardo Muñoz Suay (IVAC), dependente da Administración autonómica.
Fonte: ABC
Profesores da Universidade de Valencia reclaman unha posición institucional sobre o trilingüismo
A petición de declaración institucional indica que "as liñas en valenciano son o resultado democrático da reivindicación de pais, mestres e alumnos do dereito a un ensino e unha aprendizaxe en valenciano".
Fonte: Levante
O Valedor do Pobo da Comunidade Valenciana insta o Concello de Alacant a garantir a rotulación en valenciano
O Síndic de Greuges (Valedor do Pobo)da Comunidade Valenciana, José Cholbi, instou o Concello de Alacant a que active os mecanismos necesarios para garantir que a rotulación das instalacións e oficinas municipais se realice preferentemente en valenciano, dado que a poboación se atopa nunha zona de predominio lingüístico valenciano.
Fonte: El País
Castelló está á cabeza no uso de nomes en valenciano
Segundo o Instituto Nacional de Estatística, entre os vinte nomes máis frecuentes nos varóns nacidos entre 2000 e 2009, só aparecen catro nomes exclusivamente en valenciano na provincia de Castelló (Marc, Pau, Àlex e Joan), tres en Valencia (Marc, Pau e Joan, nos postos 14, 15 e 19) e ningún en Alacant.
Fonte: Levante-emv
A convocatoria de guías turísticos da Comunidade Valenciana inclúe a lingua de signos como idioma de habilitación
A Consellería de Turismo, Cultura e Deporte habilitou a 200 novos guías de turismo da Comunidade Valenciana e 14 guías profesionais que xa estaban habilitados puideron ampliar os seus idiomas, informou este departamento, que destacou que, por primeira vez a convocatoria incluíu a lingua de signos como idioma de habilitación, recalcaron.
Fonte: La Vanguardia
O Valedor do Pobo da Comunidade Valenciana pídelles ás universidades públicas que oferten títulos en valenciano
O Síndic (Valedor do Pobo), José Cholbi, anima a todas as institucións académicas públicas, excepto á Universidade Jaume I de Castellón, a que constitúan comisións de política lingüística co obxectivo de impulsar a docencia en valenciano e a normalización lingüística en todas as titulacións.
Fonte: ABC
A Academia Valenciana avala a lingua de Canal 9 coa publicación dun manual de estilo
O manual afianza desta forma o modelo lingüístico vixente en Canal 9 e incluso afonda na vía particularista nalgún aspecto.
Fonte: Levante-emv
O mercado da localidade castellonenca de Onda promove o valenciano na compra
Os comerciantes do mercado de Onda repartiron máis dun millar de bolsas reutilizables que tiñan impresas palabras relacionadas co vocabulario típico que se utiliza na compra, promocionando desta forma o valenciano entre todos aqueles clientes que realizaran unha compra por valor de dez euros ou máis.
Fonte: El Periódico Mediterráneo
A Academia de Linguas Bíblicas de Valencia organiza cursos de linguas mortas
Na era do Twitter e os seus 140 caracteres aínda quedan 80 románticos en Valencia que se apaixonan polas linguas mortas. Comezaron o curso na academia das linguas bíblicas. O acadio, con 4800 anos, é este ano a novidade.
Fonte: Levante-emv
As axudas á promoción do valenciano caen o 41 % en tres anos
A promoción e o uso do valenciano perden activos nos orzamentos da Generalitat de 2012, ao verse reducidas as axudas nun 10,62 %. Isto, sumado aos dous exercicios anteriores de recortes, significa que a promoción do valenciano acumula un descenso do 40,81 % nos últimos tres anos.
Fonte: El País
Boletín
Subscríbase ao boletín
