Comunidade Valenciana
A Comunidade Valenciana recoñece o uso da lingua de signos e promoverá o seu ensino, protección e respecto
A Confederación Estatal de Persoas Xordas (CNSE) e a Federación de Persoas Xordas da Comunidade Valenciana (Fesors CV) amosaron a súa satisfacción pola aprobación da Carta de Dereitos Sociais da Comunidade Valenciana que asegurará o uso da lingua de signos propia das persoas xordas, que deberá ser obxecto de ensino, protección e respecto.
Fonte: El Economista
Arredor de 3 millóns de valencianos aseguran falar a lingua propia
Arredor de tres millóns de valencianos aseguran falar a súa lingua propia, fronte aos 2,1 millóns que revelan non facelo. Así queda de manifesto no Informe sobre a situación da lingua catalá (2011).
Fonte: Levante-emv
O Tribunal Superior de Xustiza ordena implantar unha liña en valenciano nun colexio da Comunidade Valenciana
O Tribunal Superior de Xustiza acaba de ordenar á Consellería de Educación que implante unha liña en valenciano nun colexio concertado de Picassent onde rexeitou creala en 2009.
Fonte: Levante-emv
O grupo Compromís denuncia a discriminación sistemática do valenciano polo Concello de Xirivella
No ultimo mes, das 48 noticias colgadas no Facebook do Concello, só 3 estaban escritas en valenciano, o que non chega nin ao 7 % das publicacións.
Fonte: El Periodic
Critican que a maioría dos carteis de Valencia estean só en castelán
O grupo Compromís denunciou que grande parte dos carteis de Valencia incumpre a ordenanza do valenciano aprobada pola cidade ao figurar só en castelán as informacións.
Fonte: Levante-emv
Un home denuncia ter sido xulgado por dirixirse en valenciano a dous gardas civís
Un veciño de Almenara (Castellón), Carles Mateu, foi xulgado tras unha denuncia interposta contra el pola Garda Civil por desordes públicas nun control de rutina, aínda que el asegurou que foi por expresarse en valenciano antes os axentes.
Fonte: El Mundo
Un programa educativo impulsa o estudo do valenciano entre os veciños de Almussafes
Baixo o lema ‘Parla’m en valencià’ (Fálame en valenciano) impúlsase de novo a riqueza da lingua da Comunidade a través do seu vehículo natural: a comunicación entre cidadáns. A localidade de Almussafes organiza este programa gratuíto, educativo e cultural por terceiro ano consecutivo, dado o éxito do que gozou nas anteriores edicións.
Fonte: Las Provincias
Preto de tres millóns de valencianos aseguran falar a lingua propia
Preto de tres millóns de valencianos aseguran falar a súa lingua propia, fronte aos 2,1 millóns que revelan non facelo. Así queda de manifesto no Informe sobre a situación da lingua catalá (2011) realizado pola Xarxa Cruscat do Instituto de Estudos Cataláns por encargo do Observatorio da Lingua Catalá.
Fonte: Xarxa CRUSCAT
O Tribunal Superior de Xustiza da Comunidade Valenciana volve obrigarlle a Educación a implantar o valenciano nun colexio
O Tribunal Superior de Xustiza da Comunidade Valenciana (TSJCV) ditou unha sentenza na que lle dá un mes á Consellería de Educación para emitir unha resolución que permita a aplicación do Programa de Ensinanza en Valenciano (PEV) nun colexio público da localidade de Xirivella.
Fonte: Levante-EMV
Presentan a primeira guía en lingua de signos no Museo Arqueolóxico de Alacant
O Museo Arqueolóxico de Alacant impulsa a integración cultural das persoas xordas a través de percorridos impartidos por guías con discapacidade auditiva. O Departamento de Didáctica do museo desenvolveu esta novidosa iniciativa en colaboración coa Asociación de Persoas Xordas de Alacant –APESOA- co obxectivo de mellorar a calidade de vida e favorecer a autonomía e integración deste colectivo nos distintos ámbitos sociais.
Fonte: Tecnosord
Boletín
Subscríbase ao boletín
