Comunidade Valenciana
A festa valenciana pola lingua reivindica que non se divida a lingua catalá
O manifesto do Correllengua reivindicou a unidade da lingua, “fronte a calquera invento de marxinala ou dividila” e a expresión dunha vontade de traballar por un País Valenciano lingüisticamente normal, e que as autoridades non sexan unha dificultade para esta normalidade”.
Fonte: El Periódico Mediterráneo
A Universidade de Alacant aproba un plan de capacitación en valenciano e en linguas estranxeiras
O documento, elaborado conxuntamente pola Vicerreitoría de Estudos, Formación e Calidade e o de Cultura, Deportes e Política Lingüística, obedece “a orde publicada pola Consellería de Educación que atribúe ás universidades as competencias para expedir a capacitación docente en valenciano e en linguas estranxeiras”.
Fonte: Diario Información
O Goberno valenciano encarece a aprendizaxe de idiomas con taxas un 15 % máis altas
Os estudantes do ámbito universitario non van ser os únicos en verse afectados pola suba das taxas. A lei de acompañamento dos orzamentos da Generalitat Valenciana inclúe un incremento do 15 % nunha vintena de taxas académicas non universitarias. O aumento desas cotas afecta especialmente á aprendizaxe de idiomas.
Fonte: Levante-emv
A Academia Valenciana da Lingua reclama unha televisión e unha radio “propias” nas que se fale valenciano
A Academia Valenciana da Lingua esixiulle ao Goberno autonómico que adopte de maneira “urxente” as “medidas oportunas” para garantir que os cidadáns desta comunidade teñan un medio de comunicación público no que se fale valenciano.
Fonte: La Información
O Goberno valenciano quere que TVE amplíe a programación territorial en valenciano nesta comunidade
Actualmente, a actividade informativa de TVE na Comunidade Valenciana redúcese á desconexión territorial das 14 horas de luns a venres. Un telexornal de menos de media hora, que ten unha segunda entrega de sete minutos ás 16 horas, á cola da edición nacional. Aí remata a oferta de TVE en lingua propia.
Fonte: Levante-emv
Diversas organizacións asinan un manifesto para protexer o catalán na Comunidade Valenciana
Os grupos da oposición valenciana asinaron un documento xunto a partidos independentistas e asociacións catalanistas para defender o uso da lingua catalá na Comunidade Valenciana na relación coas institucións e cos comercios privados.
Fonte: Las Provincias
Escola Valenciana denuncia a eliminación de unidades en valenciano conseguidas tras sentenza xudicial
Escola Valenciana denunciou que a proposta de arranxo escolar do curso 2014-2015 realizada pola Consellería de Educación elimina algunhas unidades de ensino en valenciano que se conseguiran despois de que o Tribunal Superior de Xustiza da Comunidade Valenciana estimara os recursos presentados por varias familias e instara a habilitar liñas en lingua autóctona pola falta de oferta.
Fonte: El Economista
A Universidade de Alacant capacitará profesores en valenciano, inglés e francés
A Universidade de Alacant puxo en marcha o Curso para a Capacitación para o Ensino en valenciano, inglés e francés, que habilita para impartir docencia nas tres linguas curriculares nas que se pode obter a capacitación. Esta universidade é a primeira na Comunidade Valenciana que ofrece a formación para obter a capacitación en inglés e en francés.
Fonte: El País
Os alumnos valencianos non poderán escoller en que lingua queren examinarse
O Tribunal Superior de Xustiza da Comunidade Valenciana anulou a posibilidade de que os alumnos escollan se queren realizar as probas de avaliación das distintas materias en castelán ou en valenciano, independentemente da lingua na que se imparta a materia.
Fonte: Las Provincias
Castellón e Romanía colaboran para ofrecer cursos de cultura e lingua romanesas nas escolas da cidade
O alcalde de Castellón, Alfonso Bataller, asinou un convenio co xefe do Consulado de Romanía na cidade, Radu Catalin Mardare, polo que se autoriza o uso de aulas en centros educativos da cidade para a realización dun curso de lingua, cultura e civilización romanesas durante o presente curso escolar.
Fonte: La Plana al Día
Boletín
Subscríbase ao boletín
