A Academia Valenciana da Lingua (AVL) admitiu que o valenciano é catalán e mostrouse en contra da proposta do PP para que as Cortes Valencianas proclamen que é unha lingua con orixes iberas.

Fonte: E-noticies

O Diario Oficial da Comunidade Valenciana publicou a Orde 69/2013, de 28 de xuño, pola que se convocan as axudas económicas destinadas a empresas, comercios e industrias, radicadas na Comunidade Valenciana, que desenvolven actividades de normalización e promoción do valenciano.

Fonte: Generalitat de Cataluña

A Consellería de Educación, Cultura e Deporte concedeu axudas por un importe de 100 000 euros a 67 concellos e mancomunidades para a realización de actividades de promoción do uso do valenciano durante este ano. A convocatoria das axudas establece como obxectivos prioritarios a promoción do valenciano nos diversos ámbitos da actuación municipal, así como dar apoio ao uso do valenciano na comunicación social e facilitar a súa utilización por parte dos cidadáns.

Fonte: Las Provincias

Os responsables de Tráfico na Comunidade Valenciana impulsaron unha campaña de prevención de incendios forestais desde os paneis electrónicos de autovías e autoestradas nos que o valenciano (lingua que adoita alternar co castelán nas mensaxes habituais destes dispositivos que informan de accidentes próximos ou condicións climatolóxicas adversas á condución) se sacrificou en beneficio do inglés.

Fonte: Levante-emv

Valencia Language Exchange é unha iniciativa voluntaria que comezou no ano 2008 da man de sete aventureiros de diferentes nacionalidades. Apaixonados polos idiomas, xuntáronse para poder intercambiar culturas e aprender linguas estranxeiras. O boca a boca fixo que aos dous días fosen máis de 30 e agora xa chegan a superar as 7000 persoas. Expandíronse a varios países e aumentaron a frecuencia e os puntos de encontro.

Fonte: Las Provincias

O secretario dos xulgados de Vinaroz (Castelló) esixe unha copia traducida ao castelán das demandas que se presentan en catalán,segundo denunciaron os avogados das Terras do Ebro. Do contrario, advírteselles aos avogados de que os seus escritos non serán admitidos, como se constata desde o Colexio de Avogados de Tortosa.

Fonte: Las Provincias

O catálogo editado pola Xarxa Vives para establecer un estándar do catalán provocou a reacción do Goberno. Fontes do Executivo valenciano lembraron que o pleno de Goberno aprobou hai unas semanas un acordo que insta ás universidades valencianas a utilizar o termo «lingua valenciana», tanto nas súas «actividades académicas» coma «en xeral no normal desenvolvemento da súa actuación docente, investigadora e de transferencia de coñecementos».

Fonte: Las Provincias

Tres mozos comunicaron incidentes de discriminación e abuso físico por falar catalán no festival de música Arenal Sound na Comunidade Valenciana. Ao igual que en Cataluña, o español e o catalán son linguas oficiais na Comunidade Valenciana.

Fonte: Global Voices Online

A Academia Valenciana da Lingua (AVL) enviaralles un lote de publicacións editadas pola institución aos institutos da comunidade no marco da campaña de promoción e difusión do valenciano bautizada como ‘A AVL na aula’.

Fonte: 20 minutos

Case 236 000 alumnos de todas as etapas educativas estudan, no recentemente iniciado curso, nas chamadas liñas en valenciano, o que supón un aumento, en tres anos, do un por cento do alumnado que pode estudar nos programas que teñen como lingua vehicular a lingua propia da Comunidade Valenciana.

Fonte: El País