Comunidade Valenciana
A Consellería valenciana de Turismo presenta unha guía para aprender español co obxectivo de potenciar o turismo idiomático
A Consellería de Turismo presentou a guía "Aprender Español/Learn Spanish", que potenciará o turismo idiomático dentro da súa estratexia de segmentación para axudar a desestacionalizar o sector.
Fonte: ABC
As queixas por non poder estudar en valenciano chegan ao Valedor do Pobo da Comunidade Valenciana
A Plataforma en Defensa do Ensino Público entregoulle ao Síndic de Greuges (Valedor do Pobo da Comunidade Valenciana), José Cholbi, as primeiras queixas dos alumnos que queren estudar en valenciano e que non poden porque a Consellería de Educación no lles garante o seu dereito.
Fonte: El País
O conselleiro valenciano de Educación propón revisar o modelo lingüístico do ensino
O conselleiro valenciano de Educación, Alejandro Font de Mora, afirmou que o modelo lingüístico do ensino que existe na Comunidade Valenciana é "insostible desde o punto de vista económico", xa que pretender ter unha liña en valenciano e outra en castelán en todas as partes "non se sostén".
Fonte: El País
O Goberno español promove o coñecemento do valenciano entre os seus funcionarios na Comunidade Valenciana
A directora do Instituto Nacional de Administración Pública, Pilar Arranz, e o conselleiro de Educación da Generalitat Valenciana, Alejandro Font de Mora, asinaron un convenio para a promoción do coñecemento do valenciano entre os funcionarios da Administración Xeral do Estado na Comunidade Valenciana.
Fonte: La Razón
O Valedor do Pobo de Valencia reprende a Generalitat por discriminar o valenciano
O valedor do Pobo valenciano (Síndic de Greuges), José Cholbi, reprendeu a Generalitat por vulnerar a Lei de uso e ensino do valenciano nunha queixa por discriminación lingüística. O valedor recordoulle ao Goberno que o Estatuto o obriga a "respectar e protexer a recuperación do valenciano".
Fonte: Levante
Esquerda Unida pide a comparecencia do conselleiro de Educación para debater sobre a situación do valenciano
A deputada de Esquerda Unida nas Cortes, Marina Albiol, anunciou que a seva formación solicitará a comparecencia na cámara do conselleiro de Educación, Alejandro Font de Mora, para debater sobre a situación do valenciano.
Fonte: El Punt
O Goberno valenciano arrastra 35 sentenzas en contra por negarse a recoñecer o catalán
Un total de 35 sentenzas en contra arrastra o Goberno valenciano sobre o intento constante de eliminar a denominación do catalán en referencia á lingua dos valencianos. O Tribunal Superior de Xustiza (TSJ) da Comunidade sempre ditaminou que entra dentro da legalidade e non atenta contra o Estatuto de Autonomía a cualificación do catalán en referencia ao valenciano.
Fonte: Levante
O conselleiro valenciano de Educación aposta pola educación trilingüe para a próxima lexislatura
O modelo de ensino trilingüe -castelán, valenciano, inglés- que defende a Generalitat Valenciana non se adoptará durante este curso, segundo informou o conselleiro de Educación, Alejandro Font de Mora, na presentación do novo exercicio escolar 2010-11.
Fonte: Levante
Escola Valenciana pide que se atenda a demanda en valenciano antes que o inglés
O presidente de Escola Valenciana opina que o modelo trilingüe que busca o Goberno valenciano "sacrificará o valenciano como lingua vehicular para potenciar o inglés".
Fonte: Levante
Escola Valenciana di que o 65 % do alumnado estudará este curso só en castelán e pide un modelo plurilingüe único
O 65 por cento dos 450.075 alumnos de infantil e primaria que comeza o curso na Comunidade Valenciana estudará "exclusivamente en castelán, é dicir, nun programa monolingüe (PIP) que non se adapta ás necesidades educativas da sociedade valenciana do século XXI".
Fonte: 20 minutos
Boletín
Subscríbase ao boletín
