Comunidade Valenciana
O modelo trilingüe valenciano prevé impartir un terzo das materias en inglés
O Goberno valenciano aposta por un sistema educativo que descanse en tres eixes, que engloban as dúas linguas cooficiais (castelán e valenciano), ademais dunha lingua estranxeira, con preferencia o inglés.
Fonte: Las Provincias
A Generalitat Valenciana amplía as clases de chinés a formación profesional e bacharelato
A Consellería de Educación da Generalitat Valenciana anunciou que estenderá a formación profesional (FP) e bacharelato o programa implantado en secundaria obrigatoria desde o curso escolar 2009-2010 para impartir "Introdución á Lingua e Cultura Chinesas".
Fonte: Global Asia
A Plataforma pola Lingua no País Valenciano elaborará unha enquisa sobre o valenciano nos concellos
A Plataforma pola Lingua no País Valenciano anunciou que elaborará unha enquisa sobre o uso do valenciano nos concellos. A entidade quere "coñecer de primeira man cal é a opinión dos cidadáns do País Valenciano ao respecto".
Fonte: Avui
O 93,9 % da poboación residente na Comunidade Valenciana entende o valenciano e o 76,7 % sabe falalo
O 93,9 % da poboación maior de 15 anos residente na Comunidade Valenciana entende o valenciano e o 76,7 % sabe falalo, segundo reflicte a enquisa de Coñecemento e Uso Social do Valenciano realizada en 2010 e que publicou a Consellería de Educación.
Fonte: Europa Press
Un acordo permitirá publicar textos litúrxicos en valenciano
Membros da Academia Valenciana da Lingua (AVL) reuníronse cunha trintena de presbíteros e laicos para analizar a presenza do valenciano na Igrexa e acordaron constituír unha entidade para a publicación de textos relixiosos.
Fonte: El País
Escola Valenciana considera que o uso social da lingua está «estancado»
A entidade afirma que os datos da Consellería de Educación son "idénticos aos de hai cinco anos", aínda que valora que os mozos sexan os que máis saben valenciano.
Fonte: MónDivers
O Valedor do Pobo valenciano pide que a Universidade de Valencia respecte os dereitos lingüísticos
O Valedor do Pobo valenciano recordoulle á Universidade de Valencia os deberes legais que a Constitución e a lexislación vixente lle impoñen de respectar os dereitos lingüísticos dos administrados e utilizar en todos os procedementos e en calquera outra forma de comunicación con eles a lingua elixida.
Fonte: ABC
O Goberno valenciano investiu 17,7 millóns de euros na promoción do valenciano desde 2008
O Goberno valenciano investiu en actividades de promoción do valenciano un total de 17,7 millóns de euros nos últimos tres anos, segundo o conselleiro de Educación, Alejandro Font de Mora.
Fonte: ABC
Escola Valenciana denuncia que só o 44,8 % dos centros ofrece ensino en valenciano
Escola Valenciana denunciou que só 774 centros dos 1.726 centros públicos e privados de infantil e de primaria que hai na Comunidade Valenciana, o 44,8 por cento, ofrecen programas de ensino en valenciano.
Fonte: ABC
Un total de 13 centros da Comunidade Valenciana impartirá chinés como actividade extraescolar durante 2011
O director xeral de Ordenación e Centros Docentes da Comunidade Valenciana, Rafael Carbonell, manifestou que "se inscribiron 13 centros da comunidade (oito de Valencia e cinco de Alacant) na convocatoria da acción formativa específica denominada Introdución á lingua e á cultura chinesa dirixida a alumnos de 3º e 4º de ESO e a alumnos de bacharelato e formación profesional".
Fonte: Europa Press
Boletín
Subscríbase ao boletín
